Расціслаў Усяславіч: Розніца паміж версіямі

Таксама прыклад «канструявання» ёсць у месцы, дзе вядзецца пра высылку полацкіх князёў у Візантыю і даецца іх пералік. Публікацыя Васкрасенскага летапісу дае гэтае месца з праўкамі Карамзіна, а ў арыгінале ''«пославъ по Кривския Князи, по Давыда, и по Ростислава, и Святослава, и по Рогволодовича два, и по Ростислава и по Василия и по Ивана»'', т.б. называецца прынамсі два Расціслава, мабыць, меўся на ўвазе і трэці — адзін з двух Рагвалодавічаў. У Іпацеўскім летапісе пра высылку полацкіх князёў паведамляецца ў двух месцах, пад 1130 годам, дзе называюцца высланыя Давыд, Расціслаў і Святаслаў, і пад 1139 годам, дзе гаворыцца пра высылку ўсіх ''Рагвалодавічаў'' агулам і пра вяртанне двух княжычаў ''Рагавалодавічаў'' — Васіля і Івана. Такім чынам, гэтаегэта месца Васкрасенскага летапісу не ўнікальнае, а «сканструявана» з двух артыкулаў Іпацеўскага летапісу з утраеннем іх інфармацыі. У Візантыю быў сасланы адзіны Расціслаў — Расціслаў Усяславіч; княжычы, якія вярнуліся ў 1139 годзе, былі, як вынікае з пазнейшых падзей, Рагвалод-Васіль і, напэўна, яго брат Іван.