Энцыклапедыя гісторыі Беларусі: Розніца паміж версіямі

На вокладцы першых двух тамоў энцыклапедыі змяшчалася выява герба [[Пагоня|«Пагоня»]], аднак ад трэцяга тому (1996) яе з вокладкі прыбралі. Беларускі гісторык [[Генадзь Сагановіч|Г. Сагановіч]] тлумачыць гэта з'яўленнем палітычнай цэнзуры ў афіцыйнай беларускай гістарыяграфіі. Тым жа часам, новы намеснік галоўнага рэдактара выдавецтва [[Беларуская Энцыклапедыя, выдавецтва|«Беларуская Энцыклапедыя»]] [[Пётр Петрыкаў]] выступіў з жорсткай крытыкай ранейшага кіраўніцтва энцыклапедыі, Петрыкаў сцвярджаў, што адметнасцю першых тамоў «Энцыклапедыі гісторыі Беларусі» быў ''«ярка выражаны антырусізм, а ў многіх выпадках зацятая русафобія»''<ref>Петрыкаў П. Туман русафобіі ахутаў Беларускую Энцыклапедыю // [[Беларуская думка (1991)|Беларуская думка]]. 1996. № 3.</ref>. Даўшы ў прыклад некаторыя артыкулы, напісаныя супрацоўнікамі [[ІГ НАНБ|Інстытуту гісторыі]], П. Петрыкаў абвінаваціў гэтую ўстанову ў ажыццяўленні ''«татальнай фальсіфікацыі»'' гісторыі. Дырэктар Інстытуту гісторыі [[Міхаіл Касцюк]]<ref>[[Міхаіл Касцюк|Касцюк М.]] Палітызаваная гісторыя не можа быць сапраўднай навукай // [[Голас Радзімы]]. 1996, 8 жніўня.</ref> і яго намеснік [[Міхаіл Біч]]<ref>[[Міхась Біч|Біч М.]] Туман дылетанцтва і тэндэнцыйнасці // [[Голас Радзімы]]. 1996, 12 верасня.</ref> уступілі ў палеміку з Петрыкавым, назвалі яго заяву беспадстаўнай і адзначылі яе палітычны характар.