Пасольства Беларусі ў Германіі

Пасольства Беларусі ў Германіі (Пасольства Рэспублікі Беларусь у Федэратыўнай Рэспубліцы Германія, ням.: Botschaft der Republik Belarus in der Bundesrepublik Deutschland) — афіцыйнае дыпламатычнае прадстаўніцтва Рэспублікі Беларусь у Федэратыўнай Рэспубліцы Германія, размешчанае ў сталіцы дзяржавы — Берліне. Беларускім паслом у Германіі цяпер з’яўляецца Дзяніс Сідарэнка.

Пасольства Рэспублікі Беларусь у Федэратыўнай Рэспубліцы Германіі
Будынак пасольства Беларусі ў Германіі
Краіна	Германія
Тып арганізацыі	пасольства
Заснаванне
Дата заснавання	1994 г.
germany.mfa.gov.by/be/
Медыяфайлы на Вікісховішчы

Абгрунтаванне добрасумленнага выкарыстання для артыкула <Не зададзена назва артыкула!>
Мэта выкарыстання	Няма інфармацыя пра мэту выкарыстання! Інфармацыя абавязковая для трымання крытэрыяў добрасумленнага выкарыстання № 3, 8 і 10.
Заменнасць	Няма доказаў незаменнасці. Інфармацыя абавязковая для трымання крытэрыяў добрасумленнага выкарыстання № 1 і 10.

Абгрунтаванне добрасумленнага выкарыстання для артыкула <Не зададзена назва артыкула!>
Мэта выкарыстання	Няма інфармацыя пра мэту выкарыстання! Інфармацыя абавязковая для трымання крытэрыяў добрасумленнага выкарыстання № 3, 8 і 10.
Заменнасць	Няма доказаў незаменнасці. Інфармацыя абавязковая для трымання крытэрыяў добрасумленнага выкарыстання № 1 і 10.

Гісторыя

У 1919—1925 гг. у Берліне дзейнічала надзвычайная дыпламатычная місія Беларускай Народнай Рэспублікі. Нягледзячы на тое, што БНР не атрымала афіцыйнага прызнання з боку Германіі, яе дыпламатычная місія была зарэгістравана ў нямецкім Міністэрстве замежных спраў у сакавіку 1919 г. Прадстаўнікі БНР мелі афіцыйныя кантакты з нямецкім урадам і сустракаліся з нямецкім міністрам замежных спраў Вальтарам Зімансам. Місія займалася дапамогай ваеннапалонным беларусам, распаўсюджвала інфармацыю пра Беларусь у нямецкім грамадстве. Пры дыпламатычнай місіі дзейнічала Беларускае прэсавае бюро.

У 1923 г. Германія ўсталявала фармальныя дыпламатычныя адносіны з кантраляванай бальшавікамі Беларускай Савецкай Сацыялістычнай Рэспублікай. Практычна дзвюхбаковых адносін не вялося, пасольстваў у Мінску і Берліне адкрыта не было.

Пасля распаду СССР і аднаўлення незалежнасці Беларусі дыпламатычныя стасункі з Германіяй былі адноўлены з спасылкай на стасункі, усталяваныя ў 1923 годзе.

У 1994 годзе ў прысутнасці пасла Пятра Садоўскага, міністра замежных спраў Беларусі Пятра Краўчанкі і статс-сакратара міністэрства замежных спраў Германіі Дытэра Каструпа была афіцыйна адкрытая пасольства Беларусі ў Германіі. Яна размяшчалася ў тагачаснай сталіцы Боне па адрасе Fritz-Schäffer-Straße 20.

У 1996 г. пасольства была пераведзена ў Берлін пасля таго, як туды была перанесена сталіца Германіі.

Будынкі

Пасольства займае дзве вілы XIX стагоддзя ў раёне берлінскага Трэптаў-парка. Адна з іх да Другой Сусветнай вайны была жылым домам, а ў часы камуністычнай Германскай Дэмакратычнай Рэспублікі — паштовым аддзяленнем.

Другі будынак вядомы як «Віла Луізэ» і быў пабудаваны архітэктарам Паўлем Гёфхенам у 1888 г. Нямецкі паэт Тэадор Фантанэ згадвае гэты дом у сваіх «Падарожжах па Брандэнбургу».

Паслы

Беларуская Народная Рэспубліка (кіраўнікі надзвычайнай дыпламатычнай місіі)

• Аркадзь Смоліч (май — жнівень 1919 г.)
• Лявон Заяц (жнівень — кастрычнік 1919 г.)
• Леанід Баркоў (кастрычнік 1919 г. — 1921 г.)
• Андрэй Бароўскі (1921—1925 гг.)

Рэспубліка Беларусь (пасольствары)

• Пётр Садоўскі (1992—1994)
• Пётр Бяляеў (1995—1998)
• Уладзімір Скварцоў (1999—2009)
• Андрэй Гіро (2009—2015)
• Дзяніс Сідарэнка (з 2016 г.)

Спасылкі

• Афіцыйны сайт
• Адкрыццё пасольства Рэспублікі Беларусь у Германіі, 1994 г. (Відэа)