'''Юрый Аляксандравіч Сабалеўскі''' ({{ДН|24|4|1889}}, [[Стоўбцы]] — {{ДС|30|12|1957}}) — беларускі палітычны і нацыянальны дзеяч, пасол на Сейм [[Польская Рэспубліка, 1918—1939|Другой Рэчы Паспалітай]] (1926—1928).
== Біяграфія ==
Юры Сабалеўскі нарадзіўся на Міншчыне. Скончыў земляробчыя курсы ў [[Коўна|Коўне]] (1910). Працаваў землямерам, пасля 1917 г. — у земскіх установах заходніх паветаў Беларусі. У [[1922]] г. абраны паслом (дэпутатам) польскага сейма. У [[1924]] г. далучыўся да [[БСРГ|Беларускай сялянска-работніцкай грамады]], пасля яе разгрому ([[1927]] г.) нелегальна выехаў у [[Гданьск]]. Двойчы (1928, 1939) быў арыштаваны польскімі ўладамі. 3 прыходам у Заходнюю Беларусь войск [[РСЧА|Чырвонай Арміі]] працаваў на будоўлі. Арыштаваны органамі [[НКУС]] і зняволены ў турму ў [[Баранавічы|Баранавічах]]. Уцёк з турмы ў час бамбардзіроўкі нямецкай авіяцыі ў чэрвені [[1941]] г. У перыяд [[Нямецкая акупацыя Беларусі (1941—1944)|нацысцкай акупацыі Беларусі]] займаў пасады бургамістра [[Стоўбцы|Стоўбцаў]], [[Нясвіж]]а, Баранавіч, 2-га віцэ-прэзідэнта [[БЦР|Беларускай цэнтральнай рады]], узначальваў акруговы аддзел [[Беларуская народная самапомач|Беларускай народнай самапомачы]] ў [[Мінск]]у. Удзельнічаў у падрыхтоўцы і правядзенні [[Другі Усебеларускі кангрэс|Другога Усебеларускага кангрэсу]] (1944, Мінск), быў старшынёй мандатнай камісіі.
3 лета [[1944]] г. у [[Германія|Германіі]]. У [[1948]]—[[1950]] гг. адзін з рэдактараў газеты [[Беларускае слова (1948)|«Беларускае слова»]]. 3 [[1950]] г. член Агульнага беларускага саюза вайскоўцаў. 3 вясны [[1950]] г. жыў у [[ЗША]], з [[1951]] г. член {{нп3|Украінская нацыянальная рада|Украінскай нацыянальнай рады|uk|Українська Національна Рада}}, з [[1952]] г. — Беларускага нацыянальнага фонду, з кастрычніка [[1955]] г. — Камітэта незалежнай Беларусі. У [[1957]] г. жыў у Германіі.
