Леанід Міхайлавіч Галубовіч: Розніца паміж версіямі

Скончыў Грыцэвіцкую сярэднюю школу (1967), паступіў у Слуцкае ГПТВ-97. Служыў у Савецкай Арміі, працаваў электрыкам на прадпрыемствах [[Слуцк]]а, [[Жабінка|Жабінкі]] і [[Клецк]]а. З 1977 г. працаваў электрыкам у роднай вёсцы Вароніна. У 1984 г. Л.Галубовіч падрыхтаваў свой першы зборнік паэзіі «Таемнасць агню», у тым жа годзе быў прыняты ў [[Саюз беларускіх пісьменнікаў|Саюз пісьменнікаў БССР]]. З 1987 г. вучыўся на [[Вышэйшыя літаратурныя курсы|Вышэйшых літаратурных курсах]] у Маскве, якія паспяхова скончыў у 1989 г. Працаваў рэдактарам літаратурна-драматычных праграм на [[Беларусь 1|БТ]] (1989-1994), у часопісе «[[Крыніца (часопіс)|Крыніца]]» (1994-2002), у аддзеле крытыкі штотыднёвіка [[Літаратура і мастацтва (1932)|«Літаратура і мастацтва»]] (2002—2010). Апекуецца спадчынай памерлых пісьменнікаў [[Мікола Купрэеў|Міколы Купрэева]], [[Васіль Сахарчук|Васіля Гадулькі, Васіля Сахарчука]], Віктара Стрыжака, Таццяны Зіненкі. Дзякуючы ў тым ліку і яго намаганням, творчасць заўчасна памерлых, але таленавітых беларускіх паэтаў і празаікаў знайшла шлях да ўдзячнага чытача.