Уолт Уітмен

Уолт У · ТМЕН (англ.: Walt Whitman; 31.5.1819, Уэст-Хілс, штат Нью-Ёрк, ЗША — 26.3.1892) — амерыканскі паэт.

Уолт Уітмен

Біяграфічныя звесткі

Працаваў наборшчыкам, настаўнікам, рэдактарам газет. Друкаваўся з 1840-х г.

Творчасць

Яго паэтычнае майстэрства фарміравалася пад уплывам Дж. Байрана, П. Шэлі, Г. Гейнэ, што абумовіла цікавасць У.Уітмена да праблем прыроды і цывілізацыі, салідарнасці краін і народаў, адзінства ўсяго жывога на зямлі, дэмакр.. развідця грамадства, асобы і мас, свабоды і абавязку. Сусв. вядомасць прынесла кн. вершаў «Лісце травы» (1855; дапоўненая перавыдавалася шмат разоў), якая насычана біблейскімі вобразамі і матывамі, уключае элементы прозы і навук. тэрміналогію; філасафічнасць суправаджаецца лірызмам і музычнасцю, манум. сцэны — імгненнымі замалёўкамі. Пад уражаннем трагічных падзей грамадзянскай вайны 1861-65 стварыў паэтычныя цыклы «Барабанны бой» і «Калі ў двары перад домам цвіў гэтай вясною бэз» (абодва 1865). Аўтар кнігі публіцыстыкі «Дэмакратычныя далячыні» (1871), апавяданняў, артыкулаў.

Беларускія пераклады

• Лісце травы: Вершы / Пер.з англ.Я.Сіпакова. - Мн.: Мастац.літ., 1978.

На беларускую мову яго вершы перакладалі Ю. Гаўрук, Я. Семяжон, Я. Сіпакоў, К. Цвірка.

Літаратура

• Сіпакоў Я. Вершаруб з Доўгай выспы // Маладосць. 1969. № 5.