Касцёл Божай Маці Каралевы (Драгічын, 1928)

Касцёл Божай Маці Каралевы — колішні каталіцкі храм у г. Драгічыне Брэсцкай вобласці. Будынак размешчаны на вуліцы Леніна.

Каталіцкі храм
Касцёл Божай Маці Каралевы
52°11′11″ пн. ш. 25°09′32″ у. д.
Краіна	Беларусь
Месцазнаходжанне	Драгічын
Канфесія	Каталіцызм
Стан	Перабудаваны, выкарыстоўваецца як крама

Гісторыя

Пабудаваны ў 1928 годзе з дрэва на сродкі парафіян і намаганнямі ксяндза Тамаша Ліпіцкага. На 1935 год налічвалася 1248 парафіян. У пасляваенны час перабудаваны пад грамадзянскія мэты.

Архітэктура

Помнік архітэктуры мадэрна. Вырашаны прамавугольным у плане аб’ёмам пад двухсхільным дахам. Алтарны фасад крапаваны трайной аркатурай, па баках да яго далучаны прамавугольныя ў плане сакрысціі. Фасады прарэзаны прамавугольнымі аконнымі праёмамі.

• 
• 
• 
• 
• 

Літаратура

• Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.