Адрыян Ізенбрант

Адрыян Ізенбрант (нідэрл.: Adriaen Isenbrant, Isenbrandt, каля 1490, Бругэ — ліпень 1551, там жа) — нідэрландскі мастак, прадстаўнік Паўночнага Адраджэння.

Адрыян Ізенбрант
нідэрл.: Adriaen Isenbrant
Дата нараджэння	каля 1490, каля 1500 ці каля 1485
Месца нараджэння	Бругэ, акруга Бругэ[d], Заходняя Фландрыя, Бельгія
Дата смерці	1551
Месца смерці	Бругэ, акруга Бругэ[d], Заходняя Фландрыя, Бельгія
Грамадзянства	Габсбургскія Нідэрланды
Род дзейнасці	мастак
Медыяфайлы на Вікісховішчы

Біяграфія

Існуе толькі некалькі дакументальных запісаў пра яго жыццё, і згадкі ў літаратуры з жыццяў мастакоў. Верагодна, ён нарадзіўся ў Гарлеме або Антверпене каля 1490 года.

Творчасць Адрыяна Ізенбранта ў Бругэ прыпадае на перыяд пасля 1510 года. У лістападзе таго ж года ён стаў майстрам у мясцовай гільдыі мастакоў Св. Лукі і гільдыі ювеліраў св. Элігія. Пазней ён быў абраны дзевяць разоў у якасці «дыякана» і двойчы ў якасці губернатара гільдыі. Мяркуюць, што ў яго была майстэрня ў Кортэ-Вламінкстраат у Бругэ, якая знаходзілася недалёка ад майстэрні Ганса Мемлінга. Лічыцца, што ён вучыўся ў Герарда Давіда, аднак у яго творчасці адчуваецца ўплыў Мабюза і Амброзія Бенсана.

Быў двойчы жанаты. Ад першай жонкі Марыны Грандэель — дачкі мастака Петэра Грандэеля — нарадзілася дачка. Пасля смерці першай жонкі ў 1537 годзе мастак зноў ажаніўся з Клеменцінай дэ Хэрнэ (да 1543 года), ад якой меў дзвюх дачок і сына.