Аксана Міхайлаўна Кавалькова

Аксана Міхайлаўна Кавалькова (нар. 12 лістапада 1969, Мазыр Гомельскай вобласці) — беларускі педагог, дэпутатка.

Аксана Міхайлаўна Кавалькова
член Савета Рэспублікі Нацыянальнага сходу Рэспублікі Беларусь 6-га склікання
Нараджэнне	12 лістапада 1969(1969-11-12) (55 гадоў) Мазыр, Гомельская вобласць, БССР, СССР
Партыя	Белая Русь
Адукацыя	Мазырскі дзяржаўны медыцынскі каледж[d] Беларускі дзяржаўны эканамічны ўніверсітэт Мазырскі дзяржаўны педагагічны ўніверсітэт імя І. П. Шамякіна
Узнагароды	ганаровая грамата Нацыянальнага сходу Рэспублікі Беларусь Ганаровая грамата Адміністрацыі Прэзідэнта Рэспублікі Беларусь[d] Ганаровая грамата Міністэрства адукацыі Рэспублікі Беларусь

Біяграфія

Нарадзілася 12 лістапада 1969 года ў г. Мазыры.

Скончыла Мазырскае медыцынскае вучылішча па спецыяльнасці «Медыцынская сястра»; Мазырскі дзяржаўны педагагічны інстытут імя Н. К. Крупскай па спецыяльнасці «Руская мова і літаратура»; Беларускі дзяржаўны эканамічны ўніверсітэт па спецыяльнасці «Маркетынг».

Працавала ў г. Мазыры медыцынскай сястрой у стаматалагічнай паліклініцы; старэйшай медыцынскай сястрой у санаторным дзіцячым садзе № 38; выхавальніцай, загадчыцай дзіцячага сада № 31; дырэктаркай Сярэдняй школы № 16 г. Мазыра.

З’яўлялася членам Савета Рэспублікі Нацыянальнага сходу Рэспублікі Беларусь 6-га склікання.

Член Беларускай партыі «Белая Русь».

У 2024 годзе выбрана дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Мазырскай акругі № 42. Член Пастаяннай камісіі па правах чалавека, нацыянальных адносінах і сродках масавай інфармацыі.

Узнагароды

Узнагароджана медалём «За працоўныя заслугі», ганаровымі граматамі Нацыянальнага сходу Рэспублікі Беларусь, Адміністрацыі Прэзідэнта Рэспублікі Беларусь, Міністэрства адукацыі Рэспублікі Беларусь. Мае Падзячнае пісьмо Прэзідэнта Рэспублікі Беларусь.

Сям'я

Замужам, мае дзвюх дачок.

Спасылкі

• Біяграфія на сайце Палаты прадстаўнікоў Нацыянальнага сходу Рэспублікі Беларусь