Алена Ладава

А́лена Ла́дава (чэшск.: Alena Ladová; 29 снежня 1925, Прага, Чэхаславакія — 25 чэрвеня 1992, Прага, Чэхаславакія) — чэская мастачка, кніжны ілюстратар, сцэнограф і пісьменніца.

Алена Ладава
чэшск.: Alena Ladová
Дата нараджэння	29 снежня 1925(1925-12-29)
Месца нараджэння	Прага, Чэхаславакія
Дата смерці	25 чэрвеня 1992(1992-06-25) (66 гадоў)
Месца смерці	Прага, Чэшская Рэспубліка, Чэхаславакія
Месца пахавання	Ольшанскія могілкі
Грамадзянства	Чэхаславакія
Бацька	Josef Lada[d]
Род дзейнасці	мастачка, пісьменніца, ілюстратарка
Жанр	ілюстрацыя
Вучоба	Акадэмія прыкладных мастацтваў у Празе
Уплыў	Эміль Філа
Подпіс

Біяграфія

Аўтограф Алены Ладавы

Першыя ўрокі жывапісу атрымала ў свайго бацькі народнага мастака ЧССР Ёсефа Лада (1887—1957). Пасля заканчэння сярэдняй школы вучылася маляванню ў Дзяржаўнай Школе графічных мастацтваў пад кіраўніцтвам прафесара Карала Тондла. Затым на працягу аднаго года працавала ў Зліне, на кінастудыі Kudlov, дзе захапілася складанай прыгажосцю анімацыйных фільмаў. Стала таленавітым мультыплікатарам. У 1948 годзе скончыла Акадэмію прыкладных мастацтваў у Празе. Вучылася ў прафесара Эміля Філа.

Творчасць

Алена Ладава — вядомы ілюстратар дзіцячых кніг. Праілюстравана больш чым 90 кніг для дзяцей. У 1963 годзе напісала і праілюстравала кнігу «Můj táta Josef Lada» (Мой бацька Ёсеф Лада), дзе распавяла кранальныя гісторыі свайго дзяцінства.

Яе малюнкі часта друкаваліся ў газетах і часопісах для дзяцей, календарах і калядных паштоўках. Ладава зрабіла дызайн сцэны і касцюмы для 16 праектаў чэшскага тэлебачання. Сцэнаграфічная працы мастачкі ўдзельнічалі ў пастаноўках на сцэнах многіх тэатраў Чэхаславакіі. Першы вопыт яе тэатральнай сцэнаграфіі адбыўся ў 1946 годзе, калі яна стварыла афармленне сцэн і касцюмаў да спектакля «Zlodějská Komedie» Ёсефа Томана (Тэатр імя 1 мая — сёння Пражскі нацыянальны тэатр оперы). Апошні тэатральны праект Алены адбыўся ў 1986 годзе, калі яна працавала над драматычнай казкай Ёсефа Лады «Bubáci hastrmani» ў муніцыпальным тэатры ў Кладне.

У цяперашні час у Грусіце дзейнічае пастаянная выстава яе фатаграфій і ілюстрацый, якая з’яўляецца часткай калекцыі Мемарыялу Ёсефа Лады і яго дачкі Алены.

Пахавана ў Празе на Ольшанскіх могілках.

Літаратура

• Jindřich Černý: Osudy českého divadla po druhé světové válce — Divadlo a společnost 1945—1955, Academia, Praha, 2007, str. 132, ISBN 978-80-200-1502-0

Спасылкі

• Alena Ladová (англ.)