Альбін Фадзеевіч Дзяконскі
Альбі́н Фадзе́евіч Дзяко́нскі герба «Кораб» (польск.: Albin Dziekoński; 1838—1918) — шляхціч, маршалак дваранства Кобрынскага павета[1]. Губернскі сакратар
| Альбін Фадзеевіч Дзяконскі | |||||||
|---|---|---|---|---|---|---|---|
 герб «Кораб» | |||||||
|
|||||||
| Нараджэнне | 1838 | ||||||
| Смерць | 1918 | ||||||
| Род | Дзяконскія | ||||||
| Бацька | Тадэвуш Дзяконскі[d] | ||||||
| Маці | Альжбета з Выганоўскіх[d] | ||||||
| Жонка |
Марыя з Керназіцкіх (каля 1860) Ядвіга з Ажэшкаў (каля 1890) |
||||||
| Дзеці |
з Марыяй: Мар’ян з Ядвігай: Вацлаў Ганна Крысціна Альбін Ядвіга Эмілія |
||||||
| Веравызнанне | каталіцтва | ||||||
| Адукацыя | |||||||
| Узнагароды |
 |
||||||
Біяграфія правіць
Сын Тадэвуша Дзяконскага (1810—1845) і Альжбеты з Выганоўскіх. Каталік.
У 1879—1882 гадах займаў пасаду кобрынскага павятовага маршалка. Быў ганаровым міравым суддзёй Кобрынска-Пружанскай акругі, старшынёй мясцовага ўпраўлення расійскага таварыства Чырвонага Крыжа. У гэты ж час навучаўся ў Імператарскім Маскоўскім універсітэце. Пражываў у горадзе Кобрыне, потым у Брэсце[2].
Узнагароджаны медалём «У памяць вайны 1853—1856» і знакам Чырвонага Крыжа[3].
Валодаў маёнткам Чахец у Пружанскім павеце, які атрымаў у якасці пасагу ад першай жонкі. Ён упарадкаваў у маёнтку парк, разбудаваў сядзібу. Яго сын ад першага шлюбу Мар’ян успадкаваў маёнтак пасля смерці бацькі[4].
Сям’я правіць
З жонкай Марыяй Ганнай з Керназіцкіх мелі сына Мар’яна[4]. Пасля яе смерці (1887) ажаніўся другім разам з Ядвігай з Ажэшкаў. Мелі сыноў Вацлава і Альбіна, дачок Ганну Крысціну і Ядвігу Эмілію.
Зноскі
- ↑ 11 мая 2012 г. – 120 гадоў з дня нараджэння Альбіна Міхала Дзяконскага (1892-1940?), паэта . Жабінкаўская цэнтральная раённая бібліятэка (8 жніўня 2012). Праверана 11.5.2020.
- ↑ Памятная книжка по Гродненской губернии на 1881 год. (Адрес-календарь) // Гродно: Гродненский губернский статистический комитет, 1881. — С. 81
- ↑ Памятная книжка по Гродненской губернии на 1882 год. (Адрес-календарь) // Гродно: Гродненский губернский статистический комитет, 1882. — С. 82
- ↑ а б Katarzyna i Jerzy Samusikowie. Dwór Dziekońskich w Czachcu (польск.). Miesiecznik literacki Akant (19 студзеня 2012). Праверана 7 мая 2020.
Спасылкі правіць
- Генеалогія нашчадкаў Вялікага сойма (польск.)