Аляксандр Сяргеевіч Галавін

Аляксандр Галавін
Аляксандр Галавін
Агульная інфармацыя
Поўнае імя	Аляксандр Сяргеевіч Галавін
Нарадзіўся	30 мая 1996 (28 гадоў); Калтан, Кемераўская вобласць, Расія;
Грамадзянства	Расія
Рост	178 см
Вага	69 кг
Пазіцыя	правы паўабаронца
Інфармацыя пра клуб
Клуб	Манака
Нумар	17
Маладзёжныя клубы
2001—2009	ДЮСШ (Калтан)
2009—2011	Металлург-Кузбас (Новакузнецк)
2012—2014	ЦСКА (Масква)
Клубная кар’ера
Нацыянальная зборная
Узнагароды і медалі
	Дзяржаўныя ўзнагароды Ганаровая грамата Прэзідэнта Расійскай Федэрацыі
	Ганаровыя спартыўныя званні
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 20 красавіка 2019. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 20 красавіка 2019 ;
	Медыяфайлы на Вікісховішчы

Алякса́ндр Сярге́евіч Галаві́н (руск.: Александр Сергеевич Головин; нар. 30 мая 1996, Калтан, Кемераўская вобласць, Расія) — расійскі футбаліст, паўабаронца французскага клуба «Манака» і зборнай Расіі. Заслужаны майстар спорту Расіі (2018)^[3].

Клубная кар’ера

Нарадзіўся 30 мая 1996 года ў горадзе Калтан Кемераўскай вобласці. Выхаванец юнацкіх каманд новакузнецкага «Металурга», а з 2012 года — ЦСКА.

У дарослым футболе дэбютаваў у 2015 годзе выступамі за асноўную каманду клуба ЦСКА (Масква).

Пасля ўдалага для сябе чэмпіянату свету 2018 года перайшоў у французска клуб «Манака» за 30 млн еўра^[4].

Міжнародная кар’ера

У 2013 годзе дэбютаваў у складзе юнацкай зборнай Расіі, з тых часоў прыняў удзел у 30 гульнях на юнацкім узроўні за каманды розных узроставых катэгорый, адзначыўшыся 5 забітымі галамі.

З 2015 года прыцягваўся ў склад моладзевай зборнай Расіі. На моладзевым узроўні згуляў у 3 афіцыйных матчах.

7 чэрвеня 2015 года 19-гадовы на той момант ігрок дэбютаваў у афіцыйных матчах у складзе зборнай Расіі, выйшаўшы на замену ў таварыскай гульні супраць нацыянальнай зборнай Беларусі, у якой адразу адзначыўся забітым голам.

У маі 2016 года клубны трэнер Галавіна Леанід Слуцкі, якога незадоўга да таго прызначылі галоўным трэнерам расійскай зборнай, уключыў паўабаронцу ў яе заяўкі для ўдзелу ў фінальнай частцы чэмпіянату Еўропы 2016 года ў Францыі. На Еўра-2016 прыняў удзел ва ўсіх трох матчах сваёй каманды, якая не змагла пераадолець групавы этап.

У пачатку чэрвеня 2018 года быў уключаны ў заяўку зборнай Расіі на хатні для яе чэмпіянат свету.