Аляксандр Дзмітрыевіч Музыкантаў

Алякса́ндр Дзмітрыевіч Музыка́нтаў (нар. 3 жніўня 1983, г. Магілёў) — беларускі піяніст.

Аляксандр Дзмітрыевіч Музыкантаў
Дата нараджэння	3 жніўня 1983(1983-08-03) (40 гадоў)
Месца нараджэння	Магілёў, Магілёўская вобласць, БССР, СССР
Краіна	СССР
Альма-матар	Рэспубліканская гімназія-каледж пры Беларускай дзяржаўнай акадэміі музыкі
Музычная дзейнасць
Прафесіі	музыкант, спявак, піяніст

Біяграфія

Нарадзіўся ў 1983 годзе ў Магілёве. Навучаўся ў Рэспубліканскім музычным каледжы пры Беларускай дзяржаўнай акадэміі музыкі, пазней — у Беларускай дзяржаўнай акадэміі музыкі (выпускнік 2007 года). Вучань прафесаркі Зоі Качарскай.

Трыумфатар Міжнароднага конкурсу піяністаў «Мінск-2000», на якім, у 15-гадовым веку, заняў першае месца, атрымаў прыз слухацкіх сімпатыяў і прыз за найлепшае выкананне абавязковага твору беларускага кампазітара (апошні — падзяліў з двума іншымі канкурсантамі). У 2006 годзе стаў лаўрэатам Міжнароднага конкурсу піяністаў імя Эміля Гілельса ў Адэсе (6 прэмія).

Ігру Аляксандра Музыкантава вылучае выдатная тэхніка, высокая культура гуку, ясныя і яскравыя прачытанні музычных твораў. Вядомы як выдатны інтэрпрэтатар твораў Бетховена, Шапена, Ліста, Чайкоўскага, Пракоф’ева. Рэгулярна канцэртуе ў Беларусі і за мяжой.

Спасылкі

• Musical academy conservatory competition (нявызн.). web.archive.org (25 лістапада 2006). Архівавана з першакрыніцы 25 лістапада 2006. Праверана 23 сакавіка 2024.
• Аляксандр Дзмітрыевіч Музыкантаў на сайце анлайн-энцыклапедыі «Беларусь у асобах і падзеях»