Аляксандр Уладзіміравіч Батвінёнак
Аляксандр Уладзіміравіч Батвінёнак (3 мая 1957, Браслаў, Віцебская вобласць — 11 лістапада 2018) — беларускі скульптар.
| Аляксандр Уладзіміравіч Батвінёнак | |
|---|---|
 | |
| Дата нараджэння | 3 мая 1957 |
| Месца нараджэння | |
| Дата смерці | 11 лістапада 2018 (61 год) |
| Месца смерці | |
| Грамадзянства | |
| Род дзейнасці | скульптар |
| Жанр | станковая скульптура |
| Вучоба | |
| Уплыў | Анатоль Аляксандравіч Анікейчык, Анатоль Яфімавіч Арцімовіч, Заір Ісакавіч Азгур і Генадзь Ільіч Мурамцаў |
| Член у | |
| Прэміі | |
| Узнагароды | |
| Сайт | avb-art.com |
 Медыяфайлы на Вікісховішчы | |
Біяграфія
правіцьНарадзіўся 3 мая 1957 года ў горадзе Браславе Віцебскай вобласці. У 1983 годзе скончыў Беларускі тэатральна-мастацкі інстытут, у 1986 годзе творчыя акадэмічныя майстэрні Акадэміі мастацтваў СССР у Мінску. Вучыўся ў А. Анікейчыка, Г. Мурамцава, А. Арцімовіча, З. Азгура. Удзельнік мастацкіх выставак з 1982 года[1].
Член Беларускага саюза мастакоў з 1988 года[1].
Жыў у г. Мінску[1]. Памёр 11 лістапада 2018 года.
Творчасць
правіцьПрацуе ў станковай скульптуры. Выкарыстоўвае розныя матэрыялы: дрэва, бронза, мармур і інш. Асноўныя творы: кампазіцыі «Памяці пісьменнікаў франтавікоў Беларусі», «Партызанскі хлеб», «Беларускія майстры 17 стагоддзя», «Ефрасіння Полацкая», «Дзяўчына з яблыкам», «Архангел Міхаіл», «Паўшы анёл», «Дастаеўскі»[1]. Выканаў помнік П. Мсціслаўцу ў Мсціславе (у сааўтарстве з А. Чыгрыным і архітэктарам Ю. Казаковым).
Шмат гадоў звяртаўся да вобраза Ф. М. Дастаеўскага. Ён стварыў 6 работ, прысвечаных пісьменніку[2].
Творы знаходзяцца ў Нацыянальным мастацкім музеі Беларусі, бібліятэцы імя Я. Коласа Нацыянальнай АН Беларусі, Беларускім музеі гісторыі і культуры, Гродзенскім гісторыка-археалагічным музеі, Магілеўскім абласным мастацкім музеі імя П. Масленікава[1], Музеі-кватэры Ф. М. Дастаеўскага (Санкт-Пецярбург)[2].
Узнагароды
правіцьЛаўрэат спецыяльнай прэміі Прэзідэнта Рэспублікі Беларусь дзеячам культуры і мастацтва за 2001 год у галіне выяўленчага мастацтва. Узнагароджаны медалём Беларускага саюза мастакоў «За дасягненні ў выяўленчым мастацтве» і граматай Беларускага Саюза архітэктараў у галіне скульптуры.
Крыніцы
правіць- ↑ а б в г д Батвінёнак Аляксандр Уладзіміравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.
- ↑ а б Аляксандр Батвіненак
Літаратура
правіць- Батвінёнак Аляксандр Уладзіміравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.