Аляксей Пятровіч (сын Пятра I)

Аляксе́й Пятро́віч (18 (28) лютага 1690 — 26 чэрвеня 1718) — царэвіч, спадчыннік расійскага прастолу, старэйшы сын Пятра I і яго першай жонкі Еўдакіі Лапухінай.

Аляксей Пятровіч
Нараджэнне	18 (28) лютага 1690 Масква, Маскоўская дзяржава
Смерць	26 чэрвеня (7 ліпеня) 1718 (28 гадоў) Петрапаўлаўская крэпасць, Санкт-Пецярбург, Маскоўская дзяржава
Месца пахавання	Петрапаўлаўскі сабор
Род	Раманавы
Бацька	Пётр I
Маці	Еўдакія Фёдараўна Лапухіна
Жонка	Charlotte Christine of Brunswick-Lüneburg[d]
Дзеці	Пётр II і Grand Duchess Natalya Alexeyevna of Russia[d]
Узнагароды
Медыяфайлы на Вікісховішчы

Біяграфія

Быў жанаты з прынцэсай Сафіі-Шарлоце Брауншвейг-Вольфенбітэльскай, сястры Лізаветы, жонкі імператара Карла VI. Дзеці — Наталля (1714—28) і Пётр (1715—1730), які заняў трон як імператар Пётр II.

У 1717 Аляксей без ведама бацькі ездзіў у Вену і Італію і вёў там сепаратныя перамовы з еўрапейскімі кіраўнікамі. За гэту дзейнасць і процідзеянне новаўвядзенням бацькі быў пазбаўлены правы на прастоланаследдзе (люты 1718), а праз некалькі месяцаў адданы суду і асуджаны на смерць. Смяротны прысуд яму падпісаў Пётр Мацвеевіч Апраксін.

Памёр у Петрапаўлаўскай крэпасці 26 чэрвеня 1718 г., паводле афіцыйнай версіі, ад удару. У XIX стагоддзі былі выяўлены дакументы, паводле якіх царэвіча незадоўга да смерці (ужо пасля вынясення прысуду) катавалі, і гэта мука магла стаць непасрэднай прычынай яго смерці. Існуюць дадзеныя, паводле якіх Аляксей быў таемна забіты ў турэмнай камеры па загадзе Пятра, але яны моцна супярэчаць адзін аднаму ў дэталях; існуючае «пісьмо А. І. Румянцава Тацішчаву (або Цітову)» з апісаннем забойства Аляксея — не выключана, што падробка XIX ст.

Спасылкі

• Артыкул у часопісе «Вокруг света» Архівавана 6 лістапада 2007.
• Рускі Біяграфічны Слоўнік