Амерыка (Круглянскі раён)
Амерыка — былая вёска ў Ляснянскім сельсавеце Круглянскага раёна. Знаходзілася за 10 км на ўсход ад Круглага.
Гісторыя правіць
У ХІХ ст. тут пасяліліся эмігранты, якія выязджалі ў Злучаныя Штаты Амерыкі ў пошуках лепшага жыцця, але вярнуліся на радзіму. У 1909 г. — 3 двары, 19 жыхароў, у Круглянскай воласці Магілёўскага павета.
Савецкая ўлада ўстаноўлена ў лістападзе 1917 г. З лютага да кастрычніка 1918 г. акупіравана войскамі кайзераўскай Германіі. З 20.8.1924 г. у Круглянскім раёне Аршанскай акругі (да 26.7.1930 г.), з 8.7.1931 г. у Шклоўскім, з 12.2.1935 г. у Круглянскім раёнах, з 20.2.1938 г. Магілёўскай вобласці, з 16.9.1959 г. да 30.7.1966 г. у Бялыніцкім раёне. У 1924 г. створана сельскагаспадарчае крэдытнае таварыства. У 1926 г. — 5 двароў, 29 жыхароў. У 1930-я гг. арганізаваны калгас. У Вялікую Айчынную вайну з ліпеня 1941 г. да 27.6.1944 г. акупіравана нямецка-фашысцкімі захопнікамі.
У 1993 годзе ў складзе калгаса «Рассвет», 3 гаспадаркі, 4 жыхары. Да пачатку ХХІ ст. вёска апусцела[1].
Паселішча афіцыйна ліквідавана ў 2004 годзе.
Зноскі
Літаратура правіць
- Памяць: Гіст.-дакум. хроніка Круглянскага р-на. — Мн.: БелЭн, 1996. — 586, [2] c. — ISBN 985-11-0054-4.