Андрэй Эдуардавіч Белякоў

Андрэй Эдуардавіч Белякоў (нар. 17 ліпеня 1976, Гомель) — беларускі палітык. Першы сакратар Цэнтральнага камітэта грамадскага аб’яднання «Беларускі рэспубліканскі саюз моладзі».

Андрэй Эдуардавіч Белякоў
альтэрн.: Андрэй Белякоў
Нараджэнне	17 ліпеня 1976(1976-07-17) (47 гадоў) Гомель, Гомельская вобласць, БССР, СССР
Імя пры нараджэнні	англ.: Andrei Eduardovich Belyakov дацк.: Andrej Eduardovitj Beljakov
Член у	БРСМ
Адукацыя	Гомельскі дзяржаўны ўніверсітэт імя Францыска Скарыны Акадэмія кіравання пры Прэзідэнце Рэспублікі Беларусь
Дзейнасць	палітык

Біяграфія

Скончыў Гомельскі дзяржаўны ўніверсітэт імя Францыска Скарыны, Акадэмію кіравання пры Прэзідэнце Рэспублікі Беларусь.

Працаваў выхавальнікам аздараўленчага цэнтра «Крышталь», педагогам-арганізатарам сярэдняй школы № 41 г. Гомеля, першым сакратаром Гомельскага раённага камітэта грамадскага аб’яднання «Беларускі патрыятычны саюз моладзі», першым сакратаром Гомельскага раённага камітэта грамадскага аб’яднання «Беларускі рэспубліканскі саюз моладзі», першым сакратаром Гомельскага гарадскога камітэта, першым сакратаром Гомельскага абласнога камітэта грамадскага аб’яднання «Беларускі рэспубліканскі саюз моладзі», другім сакратаром Цэнтральнага камітэта грамадскага аб’яднання «Беларускі рэспубліканскі саюз моладзі».

Выбіраўся членам Савета Рэспублікі Нацыянальнага сходу Рэспублікі Беларусь 6-га склікання.