Беларускі рэспубліканскі саюз моладзі

Белару́скі рэспубліка́нскі саю́з мо́ладзі (БРСМ; руск.: Белорусский республиканский союз молодёжи) — моладзевая грамадская арганізацыя ў Беларусі, пераемніца Камсамола. З’яўляецца найбуйнешым моладзевым аб’яднаннем краіны і падтрымліваецца рэжымам Аляксандра Лукашэнкі, фінансуецца з дзяржаўнага і рэгіянальных бюджэтаў.

Беларускі рэспубліканскі саюз моладзі
руск.: Белорусский республиканский союз молодёжи
БРСМ
BRSM.png
Лідар Першы сакратар ЦК — Аляксандр Лук’янаў[1]
Дата заснавання 6 верасня 2002
Штаб-кватэра
Ідэалогія Падтрымка палітычнага курсу Аляксандра Лукашэнкі
Інтэрнацыянал
Ваенізаванае крыло Моладзевы атрад аховы правапарадку (МААП)
Саюзнікі і блокі
Маладзёжная арганізацыя Беларуская рэспубліканская піянерская арганізацыя
Колькасць членаў каля 480 тыс. (2019 г.)[2]
Сайт brsm.by
Commons-logo.svg Беларускі рэспубліканскі саюз моладзі на Вікісховішчы

У структуру БРСМ уваходзяць Беларуская рэспубліканская піянерская арганізацыя (БРПА) і сілавая структура Моладзевы атрад аховы правапарадку (МААП).

ГісторыяПравіць

У снежні 1991 года ў сувязі з распадам СССР Ленінскі Камуністычны саюз моладзі Беларусі (ЛКСМБ) на XXX з’ездзе пераўтварыўся ў Саюз моладзі Беларусі. У лютым 1995 года арганізацыя Саюза моладзі Беларусі была перайменавана ў Беларускі саюз моладзі (БСМ).

20—21 траўня 1997 года на ўстаноўчым з’ездзе была створаная моладзевая арганізацыя Беларускі патрыятычны саюз моладзі (БПСМ).

6 верасня 2002 года на аб’яднаўчым з’ездзе Беларускага саюза моладзі і Беларускага патрыятычнага саюза моладзі было прынята рашэнне аб аб’яднанні ў арганізацыі Беларускі рэспубліканскі саюз моладзі (БРСМ).

Арганізацыя абвяшчае сябе спадчынніцай грамадскіх аб’яднанняў «Беларускі патрыятычны саюз моладзі», «Беларускі саюз моладзі» і Ленінскага камуністычнага саюза моладзі Беларусі. У структуру БРСМ ўваходзіць піянерская арганізацыя Беларуская рэспубліканская піянерская арганізацыя (БРПА).

МэтыПравіць

Дэклараваныя мэты БРСМ — стварэнне ўмоў для ўсебаковага развіцця моладзі, раскрыцця яго творчага патэнцыялу, садзейнічанні развіццю ў Рэспубліцы Беларусь грамадзянскага грамадства, заснаванага на патрыятычных і духоўна-маральных каштоўнасцях[3]. Адна з мэтаў БРСМ — падтрымка дзейнасці прэзідэнта Беларусі Аляксандра Лукашэнкі[4].

Удзел і структураПравіць

Членам БРСМ можа быць любы грамадзянін Рэспублікі Беларусь, асобы без грамадзянства, а таксама замежныя грамадзяне, што пражываюць увесь час у Рэспубліцы Беларусь, ва ўзросце ад 14 да 31 гады, якія прызнаюць Статут і праграмныя дакументы арганізацыі[3].

БРСМ аб’ядноўвае 6 абласных структур і адну гарадскую:

  1. Брэсцкая абласная арганізацыя БРСМ
  2. Віцебская абласная арганізацыя БРСМ
  3. Гомельская абласная арганізацыя БРСМ
  4. Гродзенская абласная арганізацыя БРСМ
  5. Мінская абласная арганізацыя БРСМ
  6. Магілёўская абласная арганізацыя БРСМ
  7. Мінская гарадская арганізацыя БРСМ

СімволікаПравіць

Сімволікай БРСМ з’яўляюцца сцяг і эмблема. На іх залатымі літарамі напісаная назва арганізацыі. У якасці фону выкарыстоўваюцца чырвоны і зялёны колеры адпаведна дзяржаўнаму сцягу Беларусі. Часткова лагатып і структура паўтарае Камсамол.

ДзейнасцьПравіць

Дзейнасць БРСМ падобная да дзейнасці Савецкага Камсамола. Бальшыня акцый БРСМ накіравана на папулярызацыю беларускага патрыятызму і палітычнага курсу Аляксандра Лукашэнкі. Дзейнасць заключаецца ў цырымоніях ускладання вянкоў на помніках і мемарыялах па ўсёй краіне. Сябры БРСМ дораць кветкі ветэранам Вялікай Айчыннай вайны ў Дзень перамогі, адзначаюць іншыя святы савецкай эпохі (Дзень абаронцы Айчыны, Дзень Перамогі, Дзень Кастрычніцкай рэвалюцыі). БРСМ удзелньнічае ў спартыўных спаборніцтвах, суботніках, канцэртах у рамках акцыі «За Беларусь!». Таксама БРСМ арганізуе студэнцкія будаўнічыя атрады.

Моладзевы атрад аховы правапарадкуПравіць

У 2004 годзе пры БРСМ была створаная сілавая структура Моладзевы атрад аховы правапарадку (МААП; руск.: Молодежный отряд охраны правопорядка, МООП)[5]. Моладзевыя атрады ўдзельнічаюць у ахове правапарадку разам з органамі ўнутраных спраў (патрулююць грамадскія месцы, праводзяць рэйды, выстаўляюць пасты на асобных аб’ектах, забяспечваюць бяспеку дарожнага руху, патрулююць Мінскі метрапалітэн). Члены МААП праходзяць спецыяльную падрыхтоўку на базе тэрытарыяльных аддзелаў унутраных спраў, вайсковых часцей, устаноў адукацыі сілавых ведамстваў[6]. На 2019 год у руху МААП удзельнічаў каля 15 тыс. чалавек, створаны 691 атрад[6].

У лютым 2019 года ў гродзенскім СМІ быў апублікаваны рэпартаж пра членаў МААП, якія самастойна патрулявалі гродзенскія вуліцы, маючы пры сабе гумовыя дубінкі[7]. Як пазней патлумачыў першы сакратар Гродзенскага абкама БРСМ, хлопцы праявілі ўласную ініцыятыву. Гродзенскі праваабаронца Уладзімір Хільмановіч лічыць, што нашэнне дубінак і іх прымяненне прадстаўнікамі МААП незаконна, бо гумовыя дубінкі з’яўляюцца спецыяльнымі сродкамі, ужыванне якіх рэгламентуецца Законам Аб унутраных войсках[8].

ФінансаваннеПравіць

13 студзеня 2003 года Аляксандр Лукашэнка падпісаў указ аб дзяржаўнай падтрымцы ГА «БРСМ», якім прадугледжвалася:

  1. Уключэнне яго кіраўнікоў у склад калегій Міністэрства інфармацыі, Міністэрства культуры, Міністэрства адукацыі, Міністэрства сельскай гаспадаркі і харчавання, Міністэрства спорту і турызму, Міністэрства працы і сацыяльнай абароны;
  2. Рамонт будынку штаб-кватэры аб’яднання за кошт урадавых сродкаў;
  3. Утрыманне мясцовых аддзяленняў БРСМ коштам выдаткаў каштарысаў мясцовых органаў улады.

3-і пункт указу прызначаўся «для службовага карыстання» і не публікаваўся[9].

Асноўнае фінансаванне БРСМ атрымлівае з дзяржаўнага бюджэту, але падтрымку БРСМ аказваюць і з мясцовых бюджэтаў. Падрабязнай інфармацыі пра тое, на што трацяцца грошы, БРСМ не падае. У сакавіку 2009 года Аляксандр Лукашэнка ставіў перад БРСМ задачу пераходу на самаакупальнасць да 2010 года[10], але ў 2011 годзе БРСМ атрымаў фінансаванне 20,5 млрд руб. (6,6 млн долараў ЗША) — 98 % усіх грошай, прызначаных на моладзевую палітыку ў Беларусі[11].

БРСМ валодае газетамі «Знамя юности», «Переходный возраст», «Зорька», укладышам у газету «Звязда» «Чырвоная змена», радыёстанцыямі «Пілот FM» і «Душевное радио»[12].

Фінансаванне БРСМ з дзяржаўнага бюджэту:Правіць

  • 2005 год — 5,26 млрд руб.
  • 2006 год — 7,74 млрд руб.
  • 2007 год — 10,15 млрд руб.
  • 2008 год — 13,12 млрд руб.
  • 2009 год — 17,54 млрд руб.[10]
  • 2011 год — 20,5 млрд руб.
  • 2012 год — 23,75 млрд руб.[13] (2,8 млн долараў ЗША[14])
  • 2013 год — 38,2 млрд руб.[15] (4,5 млн долараў ЗША[14])
  • 2014 год — 43,15 млрд руб.[16]
  • 2015 год — 50,38 млрд руб.[17]
  • 2016 год — 62,46 млрд руб.[18]
  • 2017 год — 6,2 млн руб.[19][заўв 1]
  • 2018 год — 6,8 млн руб. (3,2 млн долараў ЗША)[20]
  • 2019 год — 7,59 млн руб.[21]

КрытыкаПравіць

Паводле інфармацыі СМІ, у арганізацыі з моманту заснавання практыкуецца прымус да ўступлення[22][23][24][25][26][27], а таксама членства без ведама чалавека[28][29].

У кастрычніку 2018 года быў апублікаваны схаваны відэазапіс, на якім намесніца дырэктара адной з мінскіх гімназій у грубай форме патрабуе ад вучняў уступіць у БРСМ[30].

Міжнародныя сувязіПравіць

Станам на 2013 год на афіцыйным сайце БРСМ паведамлялася аб міжнародным супрацоўніцтве з наступнымі арганізацыямі: Маладая гвардыя Адзінай Расіі(руск.) бел. (Расія), Жас Отан(руск.) бел. (Казахстан), Саюз міжнародных арганізацый Расійскай Федэрацыі і Савет моладзевых арганізацый Аўтаномнай Рэспублікі Крым, Левы фронт — Саюз камуністычнай моладзі (Венгрыя), Камуністычная моладзь Грэцыі(англ.) бел., Саюз рэвалюцыйнай моладзі Сірыі(руск.) бел., Нацыянальны інстытут моладзі Венесуэлы, Лівійская нацыянальная моладзевая арганізацыя[31].

Станам на 2019 год БРСМ супрацоўнічае з наступнымі арганізацыямі: Расійскі саюз моладзі, Аб’яднаны цэнтр «Монолит» (Курск, Расія), Саюз сельскай моладзі(польск.) бел. (Польшча), Жас Отан(руск.) бел. (Казахстан), Усекітайская федэрацыя моладзі(англ.) бел.[32].

Першыя сакратары ЦКПравіць

У культурыПравіць

Гл. таксамаПравіць

ЗаўвагіПравіць

ЗноскіПравіць

  1. Маладзёжная палітыка — у прыярытэце дзяржавы: першым сакратаром Цэнтральнага камітэта Беларускага рэспубліканскага саюза моладзі стаў Аляксандр Лук’янаў, Звязда (12 жніўня 2021). Праверана 8 верасня 2021.
  2. Грамадства. president.gov.by. Праверана 10-6-2019.
  3. 3,0 3,1 Общественное объединение «Белорусский республиканский союз молодежи»(руск.) . brsm.by. Праверана 10-6-2019.
  4. Молодежная политика в Беларуси свелась исключительно к поддержке БРСМ(руск.) . belpartisan.org (web. (18 студзеня 2011). Праверана 10-6-2019.
  5. Молодежные отряды охраны правопорядка БРСМ отметят 15-летие со дня основания(руск.) . minsknews.by (1 лютага 2019). Праверана 11-6-2019.
  6. 6,0 6,1 БРСМ. МООП(руск.) . brsm.by. Праверана 11-6-2019.
  7. «Раз прышлося прымяніць дубінку». Байцы МААП пра патруляванне Гродна. hrodna.life (23 лютага 2019). Праверана 11-6-2019.
  8. «Дручкі гэта асабістая ініцыятыва хлопцаў». У БРСМ распавялі пра байцоў МААП у цэнтры Гродна. belprauda.org (26 лютага 2019). Праверана 11-6-2019.
  9. Указ Президента Республики Беларусь от 13.01.2003 N 16 «О государственной поддержке общественного объединения "Белорусский республиканский союз молодежи»(руск.) . web.archive.org. Праверана 7-6-2019.
  10. 10,0 10,1 Секретарь БРСМ: «В наших планах — получать европейское финансирование»(руск.) . charter97.org (16 сакавіка 2009). Праверана 7-6-2019.
  11. Амаль 100% грошай, вылучаных на моладзевую палітыку, забярэ БРСМ. belsat.eu (17 студзеня 2011). Архівавана з першакрыніцы 7-6-2019. Праверана 7-6-2019.
  12. БРСМ. Наши СМИ(руск.) . brsm.by. Праверана 10-6-2019.
  13. Закон Республики Беларусь «О республиканском бюджете на 2012 год». 30 декабря 2011 г. N 331-З(руск.) . minfin.gov.by. Праверана 7-6-2019.
  14. 14,0 14,1 Расходы государства на БРСМ сопоставимы с бюджетом Совмина(руск.) . udf.by (21 чэрвеня 2013). Архівавана з першакрыніцы 7-6-2019. Праверана 7-6-2019.
  15. Закон Республики Беларусь «О республиканском бюджете на 2013 год». 26 октября 2012 г. № 432-З(руск.) . minfin.gov.by.
  16. Закон Республики Беларусь «О республиканском бюджете на 2014 год». 31 декабря 2013 г. № 95-З(руск.) . pravo.by. Праверана 7-6-2019.
  17. Закон Республики Беларусь «О республиканском бюджете на 2015 год». 30 декабря 2014 г. № 225-З(руск.) . minfin.gov.by. Архівавана з першакрыніцы 7-6-2019. Праверана 7-6-2019.>
  18. Закон Республики Беларусь «О республиканском бюджете на 2016 год». 30 декабря 2015 г. № 341-З(руск.) . minfin.gov.by. Архівавана з першакрыніцы 7-6-2019. Праверана 7-6-2019.
  19. Закон Республики Беларусь «О республиканском бюджете на 2017 год». 18 октября 2016 г. № 431-З(руск.) . minfin.gov.by. Праверана 7-6-2019.
  20. Сколько миллионов школьных обедов можно было бы купить на деньги БРСМ(руск.) . charter97.org (1 лістапада 2018). Архівавана з першакрыніцы 7-6-2019. Праверана 7-6-2019.
  21. Закон Республики Беларусь «О республиканском бюджете на 2019 год». 30 декабря 2018 г. № 160-З(руск.) . minfin.gov.by. Архівавана з першакрыніцы 7-6-2019. Праверана 7-6-2019.
  22. Молодежь протестует против принудительного вступления в БРСМ(руск.) . charter97.org (web.archive.org) (21 верасня 2007). Праверана 10-6-2019.
  23. Протестанты жалуются на БРСМ(руск.) . naviny.by (16 студзеня 2018). Праверана 10-6-2019.
  24. У Магілёве моладзь спрабуе абараніцца ад БРСМ(бел. (тар.)) . svaboda.org (25 верасня 2007). Праверана 10-6-2019.
  25. Вітольд Няўрыда У Магілёве сакратар пярвічкі БРСМ выйшла з арганізацыі(бел. (тар.)) . nashaniva.by (web.archive.org) (17 сакавіка 2008).
  26. Ціснуць за неўступленне ў БРСМ. spring96.org (8 снежня 2008). Праверана 10-6-2019.
  27. У Рэчыцкім педагагічным каледжы прымушаюць уступаць у БРСМ нават расіян?. nashaniva.by (12 сакавіка 2019). Праверана 10-6-2019.
  28. Студентов насильно записывают в БРСМ из-за «технической ошибки»(руск.) . charter97.org (web.archive.org) (14 жніўня 2009). Праверана 10-6-2019.
  29. Любовь Касперович 11-классники узнали, что состоят в БРСМ и платят взносы, хотя никуда не вступали. Союз: «Это провокация»(руск.) . tut.by (5 чэрвеня 2019). Праверана 10-6-2019.
  30. «Вы супраць палітыкі прэзыдэнта?» Менскія школьнікі запісалі на відэа, як іх заганяюць у БРСМ(бел. (тар.)) . svaboda.org (30 кастрычніка 2018). Праверана 10-6-2019.
  31. БРСМ. Соглашения о двустороннем сотрудничестве(руск.) . brsm.by (web.archive.org). Праверана 10-6-2019.
  32. БРСМ. Партнеры(руск.) . brsm.by. Архівавана з першакрыніцы 11-6-2019. Праверана 11-6-2019.

СпасылкіПравіць