Разбітае сэрца пацана
«Разбітае сэрца пацана» («РСП») — беларускі музычны гурт, заснаваны ў канцы 1990-х гадоў. Вылучаецца тым, што піша і выконвае свае песні на трасянцы.
| Разбітае сэрца пацана | |
|---|---|
| Гады |
канец 1990-х 2005 — па сённяшні дзень |
| Краіна |
 Беларусь |
| Горад | Мінск |
| Мова песень | трасянка |
| Склад |
Дзяніс Тарасенка Павал Гарадніцкі |
Гісторыя правіць
Калектыў «Разбітае сэрца пацана» быў заснаваны ў сценах Універсітэта культуры ў канцы 1990-х. Заснавальнікамі былі два студэнта: Дзяніс Тарасенка, вядомы па гурце «Склеп» і Саша Маленькі (пазней вядомы ды-джэй Цім Карамыслаў). Дуэт праіснаваў пару дзён, даў шэраг канцэртаў у аўдыторыі і сышоў у нябыт да 2005 года, калі Дзяніс Тарасенка з аднакурснікам Паўлам Гарадніцкім рэанімавалі ансамбль, пакінуўшы назву, канцэпцыю і інструменты: баян і піяніна-раяль-сінтэзатар. Праводзіліся акцыі «Даеш трохразавае пітаніе ў студзенчаскія масы» — канцэрт проста ў «кулькоўскай» сталовай у час абеду, фаер-шоў з петардамі і іншы рух. У гэты час да гурта далучаецца падтанцоўка, якая часта змяняе назвы: «Гаечкі», «Зорачкі», «Плахішкі» (сышлі з «Харошак»), «ЭВМ» і «Расцішка».
У 2006 да калектыва далучаюцца бас-гітарыст Андрэй «Эндру» Восіпчык, вядомы па гуртах Exist, Long Play і Parason, ударнік Юрый Сізоў. Дзяніс змяняе баян на гітару, Павел раяль на флейту, і ў 2007 годзе ансамбль прыступае да запісу першага альбома «Розавы закат». У запісе прынялі ўдзел усе вышэйзгаданыя музыкі, а таксама заснавальнік гурта «Кассиопея» Ліберзон. Частка матэрыялу была запісана на хатняй студыі Юрыя «Хобіта» Купрашова, а астатняе — на студыі «Селах». У актыве гурта — канцэрты ў мінскім Палацы мастацтваў з «Сашам і Сірожам», у маскоўскім Цэнтры імя Меерхольда, у віленскім клубе BiXX і інш.
У 2008 у калектыў прыходзіць новы бубнач Аляксандр Кавалёў, вядомы па праекту МУТНАЕВОКА, такі склад застаецца актуальным і па сёняшні час.
У 2020 гурт нярэдка выступаў разам з Бенькай, у тым ліку і на «дваровых» канцэртах у розных раёнах Мінска[1].
Тэматыка песень правіць
У асноўным, гурт раскрывае ў сваіх песнях тэму непадзеленага кахання, між тым перамяжоўваючыся жартоўнымі момантамі з жыцця мясцовага вясковага «пацана».
Часам творчая думка сягае далёка за межы Беларусі: так, у песні «Венесуэла знайшлі адлюстраванне беларуска-венесуэльскія адносіны.
Дыскаграфія правіць
- Rozaвы zakat (2007)[2]
- Не Налівай (2011)[3]
- Ч/Б (EP, 2012)[4]
- Пасрэдствам срэдств (2015)[5]
- Карняплоды любві (2018)[6]
- «Ашчушчэнія» (2021)[7]
- «Шанс/off» (2022)[8]
Склад правіць
- Павел Гарадніцкі — флейта, клавішы, вакал, словы і музыка
- Дзяніс Тарасенка — гітары, клавішы, вакал, словы і музыка
- Эндру Восіпчык — бас-гітара
- Аляксандр Кавалёў — барабаны, перкусія
Крыніцы правіць
- ↑ https://belisrael.info/?p=25925
- ↑ Разбітае сэрца пацана "Розавы закат" / Experty.by
- ↑ Разбітае Сэрца Пацана "Не налівай" (+аўдыё) / Experty.by
- ↑ Концептуальный мини-альбом от "Разбітага Сэрца Пацана" (+скачать) / Experty.by
- ↑ Р.С.П. "Пасрэдствам срэдств" (+аудио) / Experty.by
- ↑ Карняплоды любві. Разбітае Сэрца Пацана
- ↑ «РСП» прэзентавалі альбом «Ашчушчэнія»
- ↑ «РСП» выпустили альбом «Шанс/off»
Спасылкі правіць
- Разбітае сэрца пацана — Смехом единым жив человек, или музыкальное смехо-лечение (руск.)
- Разбітае сэрца пацана на Last.fm
- Разбітае сэрца пацана прэзентавалі трэк "Смузі-мафіны" https://34mag.net/piarshak/post/rsp-smuzi-mafiny
- "А нажираются все примерно одинаково: что босота, что алігархі" - https://binkl.by/read/people/razbitae-sertsa-patsana-nazhirayutsya-vse-odinakovo-chto-bosota-chto-aligarhi/