Ансельм Франсуа Лагрэнэ

Ансельм Франсуа Лагрэнэ (Anthelme François Lagrenée; 14 снежня 1774, Парыж — 27 красавіка 1832, Парыж) — французскі жывапісец, мініяцюрыст і малявальшчык.

Ансельм Франсуа Лагрэнэ
Дата нараджэння 14 снежня 1774(1774-12-14)[1][2]
Месца нараджэння
Дата смерці 27 красавіка 1832(1832-04-27)[1][2] (57 гадоў)
Месца смерці
Грамадзянства
Бацька Луі Жан-Франсуа Лагрэнэ[d]
Род дзейнасці мастак, animalier
Жанр партрэт
Лагатып Вікісховішча Медыяфайлы на Вікісховішчы
Партрэт маладой дамы, 1820-я. Дзяржаўны Эрмітаж
Партрэт П. П. Канаўніцына  (руск.). НММ РБ

Біяграфія правіць

Сын вядомага французскага жывапісца Л. Ж. Лагрэнэ Старэйшага (17251805), прафесара і дырэктара Акадэміі мастацтваў у Санкт-Пецярбургу (1760—1762), дырэктара французскай акадэміі ў Рыме (1781—1787)[4]).

Ансельм Лагрэнэ вучыўся ў свайго бацькі, затым у мініяцюрыста Ф. А. Венсана. Спецыяльнасцю яго былі мініяцюрныя партрэты ў выглядзе камей, таксама ён зарэкамендаваў сябе як гістарычны жывапісец. Асабліва сваё майстэрства Лагрэнэ праяўляў у маляванні фігур коней. Жыў і працаваў у Парыжы. У 17991831 гг. рэгулярна выстаўляў свае працы ў парыжскім Салоне.

У 1817 годзе прыехаў у Расію і працаваў для імператара Аляксандра I. За восем гадоў свайго знаходжання ў Расіі набыў велізарную папулярнасць сярод рускай арыстакратыі. Лагрэнэ выканаў вялікую колькасць мініяцюрных партрэтаў расійскай знаці, нярэдка стылізуючы іх пад антычныя камеі. А. Р. Мураўёва, жонка дзекабрыста, пісала да свякрухі Кацярыны Фёдараўны з Чыты ў красавіку 1827 года[5]:

  …Замоўце свой партрэт у Маскве Лагрэнэ. Ён зрабіў партрэт матулькі такім падобным, што толькі не гаворыць.  

Гэтай «падобнасцю» і прыцягвалі творы французскага майстра. Мініяцюры Лагрэнэ захоўваюцца ў Дзяржаўным Эрмітажы, Дзяржаўнай Траццякоўскай галерэі, Дзяржаўным Рускім музеі і ў іншых зборах. Таксама зрабіў шмат малюнкаў, якія адлюстроўваюць рускія тыпы, норавы і касцюмы.

Лагрэнэ памёр у Парыжы 27 красавіка 1832 года ад халеры.

Зноскі

  1. а б RKDartists Праверана 23 жніўня 2017.
  2. а б Anthelme François LagrenéeOUP, 2006. — ISBN 978-0-19-977378-7
  3. а б https://rkd.nl/explore/artists/47426 Праверана 15 кастрычніка 2016.
  4. Лагрене, французские живописцы // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
  5. Альбом. Государственный музей А. С. Пушкина. — М.: Белый Город, 2005.

Літаратура правіць

  • Портретная миниатюра в России 18-19 веков. Из собрания Государственного Эрмитажа. — Ленинград, 1986. — С. 336.
  • Портретная миниатюра в России 18-19 веков. Из собрания ГИМ. — Ленинград, 1988.

Спасылкі правіць