Антан Ткач
А́нтан Ткач (славацк.: Anton Tkáč, 30 сакавіка 1951, Лозарна, Чэхаславакія) — славацкі велагоншчык, трэнер і спартыўны функцыянер. Трохкратны чэмпіён свету па трэкавых велагонках, чэмпіён летніх Алімпійскіх гульняў 1976 года ў Манрэалі[3][4]. Прэзідэнт Славацкага саюза веласіпедыстаў (SCZ).
_pictogram.svg){kind=small} | |
|---|---|
| славацк.: Anton Tkáč | |
.jpg) | |
| Асабістая інфармацыя | |
| Грамадзянства |
 Славакія |
| Дата нараджэння | 30 сакавіка 1951 (73 гады) |
| Месца нараджэння | Лозарна, Чэхаславакія |
| Дата смерці | 22 снежня 2022[1][2] (71 год) |
| Месца смерці | |
| Інфармацыя пра гоншчыка | |
| Спецыялізацыя | велатрэкавыя гонкі |
 Медыяфайлы на Вікісховішчы | |
Біяграфія правіць
Спартыўная кар'ера правіць
Антан Ткач — самы вядомы славацкі велагоншчык. Ён пачынаў з трэкавых гонак сярод аматараў на 1 км. У гэтай дысцыпліне заваяваў на Чэмпіянаце свету ў Лестэры (Вялікабрытанія) у 1970 годзе бронзавы медаль. Але на летняй Алімпіядзе ў Мюнхене 1972 года на трэку 1 км паказаў толькі 13-е час. Неўзабаве Ткач пераарыентоўваўся на спрынт і ў 1970-1980-я гады ў гэтай дысцыпліне ўдзельнічаў на чэмпіянатах свету. Упершыню стаў чэмпіёнам свету у 1974 годзе (Манрэаль). Праз 2 гады там жа ён выйграў алімпійскае золата, здолеўшы апярэдзіць француза Даніэля Марэлона, трохкратнага алімпійскага чэмпіёна і сяміразовага чэмпіёна свету. Ткач стаў пятым славацкім алімпійскім чэмпіёнам. На Чэмпіянаце свету 1978 года ў Мюнхене (ФРГ) Ткач ізноў перамагае ў спрынце, апярэдзіўшы двух усходненямецкіх велагоншчыкаў Эмануэля Раша і Крысціяна Дрэшэра.
У рангу алімпійскага чэмпіёна Манрэаля Ткач двойчы, у 1976 і 1978 гадах, прызнаваўся ў Чэхаславакіі спартсменам года. Калі выяўлялі лепшых славацкіх веласіпедыстаў ХХ стагоддзя, Ткачу аддалі першы радок. Таксама заняў другое месца ў рэйтынгу лепшых спартсменаў стагоддзя ў Славакіі.
Пасля завяршэння спартыўнай кар'еры правіць
Пасля заканчэння спартыўнай кар'еры Ткач вучыўся ў 1978-1983 гадах у Браціславе на факультэце фізічнага выхавання і спорту па спецыяльнасці «веласіпедны спорт».
У 1981—1992 гадах займаў пасаду трэнера нацыянальнай зборнай. З 1993 года выконваў абавязкі саветніка міністра абароны па пытаннях спорту. Цяпер Антан Ткач — старшыня Славацкай асацыяцыі алімпійцаў, а з 2001 года — прэзідэнт Славацкага саюза веласіпедыстаў. Таксама з'яўляецца членам выканкама Алімпійскага камітэта Славакіі.
Зноскі
- ↑ Slovenský smutek. Zemřel Anton Tkáč, legendární cyklistický šampion
- ↑ Zomrel olympijský šampión Anton Tkáč
- ↑ Anton Tkáč Olympic Results(недаступная спасылка). sports-reference.com. Архівавана з першакрыніцы 13 лютага 2012. Праверана 25 сакавіка 2016.
- ↑ Singh, H. (2004). 33 Olympic Games. Discovery Publishing House. p. 105. ISBN 9788171417643. Праверана 25 сакавіка 2016.
Спасылкі правіць
На Вікісховішчы ёсць медыяфайлы па тэме Антан Ткач- Антан Ткач на Славацкім біяграфічным партале (славацк.)
- Антан Ткач на cyclingarchives.com (англ.)
- Антан Ткач на sports-reference.com (англ.)Архівавана 30 студзеня 2012.
