Антон Падзява

Антон Падзява (1913, в. Пярхулева, Дзісенскі павет, Віленская губерня — 1955, Скужац) — беларускі рэлігійны і культурна-асветны дзеяч, каталіцкі святар.

Антон Падзява
Дата нараджэння	1913
Месца нараджэння	Пярхулева[d], Дзісенскі павет, Віленская губерня, Расійская імперыя
Дата смерці	1955
Месца смерці	Скужац[d], Гміна Скужац, Сядлецкі павет, Мазавецкае ваяводства, Польшча
Месца пахавання	Скужац[d]
Альма-матар	Віленская каталіцкая духоўная семінарыя Варшаўская рымска-каталіцкая духоўная акадэмія

Біяграфія

Паходзіў з беларускай каталіцкай сям’і: бацькі — Габрыэль і Марцыяна (з дому Трышчынскіх) Падзявы. Малодшы брат каталіцкага святара Тамаша Падзявы.

Вучыўся ў польскай гімназіі пры Друйскім кляштары і ў Віленскай духоўнай каталіцкай семінарыі. Супрацоўнічаў з беларускім рэлігійным перыядычным друкам. Займаўся перакладамі з літоўскай на беларускую мову (байка «Тры браты» і інш.). У 1930-я гады служыў ордэну айцоў марыянаў у Друйскім кляштары.

Пасля дэпартацыі з Друі ў 1938 годзе беларускіх святароў і клерыкаў жыў у кляштары айцоў марыянаў на Бялянах у Варшаве. Вучыўся ў Варшаўскай духоўнай каталіцкай акадэміі. З часоў вучобы ў Друі звязаны з беларускім нацыянальна-рэлігійным рухам.

Пахаваны на могілках мясцовасці Скужац, што недалёка ад горада Седльцы.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Электронная Энцыкляпэдыя. Беларускія рэлігійныя дзеячы XX ст. Антон Падзява (нявызн.).