Архібіскуп Уэльса

Архібіскуп Уэльса (вал.: Archesgob Cymru, англ.: Archbishop of Wales) — прымас англіканскай Царквы ва Уэльсе. Пасада была створаная ў 1920 годзе адначасова з аддзяленнем Царквы ва Уэльсе ад Царквы Англіі. Архібіскуп Уэльса выбіраецца з ліку дыяцэзіяльных біскупаў і трымае пасаду адначасова з кіраўніцтвам сваёй дыяцэзіяй. Такім чынам, пасада не звязаная ні з якой канкрэтнай біскупскай кафедрай.