Асобны атрад БНР (серыя марак)
Асобны атрад БНР — серыя марак Беларускай Народнай Рэспублікі, выдадзеная ў 1920 годзе.
Апісанне правіць
На ўсіх пяці марках серыі — адзін малюнак: маладыя сяляне ў нацыянальных строях (Магілёўскі строй), хлопец і дзяўчына, сядзяць на лаўцы ля плота. Праект маркі быў выкананы мастаком Рыхардам Зарыньшам. Паводле меркавання гісторыкаў, прататыпам была выкарыстана гравюра У. дэ Гарнека, змешчаная ў трэцім томе выдання «Живописная Россия» (1882 г.) пад назвай «Тыпы Магілёўскай губерні»[1].
Выдадзена 5 марак розных наміналаў: 5, 10, 15, 50 капеек і 1 рубель. Існуюць зубцаваныя і незубцаваныя маркі. Агульны тыраж — 5 мільёнаў асобнікаў (па 1 мільёне кожны). Адносіны зубцаваных да незубцаваных — 1:1. Незубцаваныя маркі былы выдадзены дзеля здзешаўлення тыражу. З іх 250 тысяч было выраблена і бяз клею[2].
Наміналы:
- 5 капеек — зялёнага колеру
- 10 капеек — чырвонага колеру
- 15 капеек — фіялетавага колеру
- 50 капеек — цёмна-блакітнага колеру
- 1 рубель — бурага колеру
-
5 кап. -
10 кап. -
15 кап. -
50 кап. -
1 руб.
-
5 кап. -
10 кап. -
15 кап. -
50 кап. -
1 руб.
Гісторыя правіць
У 1920 годзе ў Латвійскай дзяржаўнай друкарні ў Рызе выдадзеная серыя марак па заказе камандавання Асобнага Атрада БНР. Надпіс «Асобны атрад» сведчыць аб тым, што маркі выпускаліся для беларускага вайсковага фарміравання на чале з генералам Булак-Балаховічам. Замову на яго даваў старшыня Беларускай вайсковай камісіі ў Латвіі Кастусь Езавітаў.
Маркі былі ў выкарыстанні з 14 лютага 1920 да 22 красавіка 1920 года. Маркі Асобнага атраду выкарыстоўваліся палявой поштай, якая засталася на тэрыторыі Латвіі, да красавіка 1920 года, і гасіліся асобным штампам.
Надалей гэты выпуск (пачынаючы з 1939 года) неаднаразова перавыдаваўся як эмігранцкім урадам БНР, так і «неафіцыйна», што што стала прычынай з'яўлення вялікай колькасці адменаў марак гэтага выпуску паводле якасці друку[3].
Зноскі
- ↑ Батиевский В.. Марки и полевая почта «Асобнага атрада БНР» (руск.)(недаступная спасылка). mirmarok.ru (2 красавіка 2011). Архівавана з першакрыніцы 31 студзеня 2016. Праверана 2 сакавіка 2018.
- ↑ Le Collectionneur de timbres-poste. Numeros 459 a 464.. — Парыж: Maison Arthur Maury Bureaux d'abonnement et de vente, 1920. — С. 62. — 224 с.
- ↑ И.Ф. Мясковский. 1.5. Выпуск Особого Отряда БНР (Булак-Балахович) — Подделки марок выпуска (руск.)(недаступная спасылка). Фантастические выпуски. Мир м@рок (5 верасня 2010). Архівавана з першакрыніцы 16 сакавіка 2018. Праверана 2 сакавіка 2018.
Літаратура правіць
- Паштовыя маркі БНР: падробкі і рэальныя факты
- Беларускі Інстытут Навукі і Мастацтва. Маркі і налепкі