Аўгустоўскі павет (1919—1939)

Аўгусто́ўскі паве́т (польск.: Powiat augustowski) — былы павет Беластоцкага ваяводства Польскай Рэспублікі. Сядзіба — горада Аўгустоў.

Аўгустоўскі павет
Powiat augustowski
Краіна	Польская Рэспубліка
Статус	павет
Уваходзіць у	Беластоцкае ваяводства
Уключае	12 вясковых гмінаў
Адміністрацыйны цэнтр	Аўгустоў
Дата ўтварэння	1919
Дата скасавання	верасень 1939
Насельніцтва (1921)	62 384

Аўгустоўскі рынак у 1915 г.

Гісторыя

Створаны на аснове былога Аўгустоўскага павета Сувалкаўскай губерні Польскага царства пасля польска-літоўскіх змаганняў за Сувалкію. З самога пачатку ўваходзіў у склад Беластоцкага ваяводства. У 1940 г. на яго аснове быў створаны Аўгустоўскі раён БССР.

У цяперашні час тэрыторыі павету адносяцца да Аўгустоўскага павета Падляскага ваяводства Польшчы. Толькі самая ўсходняя частка павету прыналежыць да Гродзенскага раёна (Сапоцкіншчына).

Адміністрацыйна-тэрытарыяльны падзел

Гміны

• Вялікая Баля — адміністрацыйны цэнтр Лойкі
• Барглаў — адміністрацыйны цэнтр Барглаў Касцельны
• Валавічоўцы — адміністрацыйны цэнтр Сапоцкін
• Галынка — адміністрацыйны цэнтр Галынка
• Дэмбова — адміністрацыйны цэнтр Язева
• Кальніца — адміністрацыйны цэнтр Белабжэгі
• Кур'янка — адміністрацыйны цэнтр Скеблева
• Лабна — адміністрацыйны цэнтр Падлабенне
• Ліпск — адміністрацыйны цэнтр Ліпск
• Штабін — адміністрацыйны цэнтр Штабін
• Шчэбра-Альшанка — адміністрацыйны цэнтр Навінка

Мястэчкі

• Аўгустоў

Насельніцтва

Паводле звестак перапісу насельніцтва 1921 г. у павеце пражывала ўсяго 62 384 жыхар, з чаго 58 896 (94,41%) палякаў, 2 789 (4,47%) яўрэяў, 531 (0,85%) рускіх, 92 (0,14%) 92 беларусаў, 42 немцаў, 11 літоўцаў, 4 украінцаў і па адным чэху і эстонцу. Для 17 чалавек нацыянальнасць была не пазначаная. 90,4% (56 400) жыхароў павету былі каталікамі, 6,4% (4 036) юдаістамі, 1,5% (932) стараверамі, 1,1%% (683) праваслаўнымі, 0,5% (289) пратэстантамі, 23 уніятамі, 4 атэістамі, для 17 веравызнанье невызначанае.