Бамбардзіроўка Прагі

Бамбардзіроўка Прагі — бамбардзіроўка акупаванай Германіяй сталіцы Чэхаславакіі, праведзеная Ваенна-паветранымі сіламі ЗША 14 лютага 1945 года. Як пазней сцвярджалі прадстаўнікі амерыканскіх ВПС, бамбардзіроўка адбылася па памылцы з прычыны таго, што самалёты, якія ляцелі бамбіць Дрэздэн, збіліся з курсу.

Сучасны выгляд Эмаўскага манастыра ў Празе. На месцы старадаўніх веж касцёла, разбураных бамбардзіроўкай 14 лютага 1945 года, былі збудаваны арыгінальныя скрыжаваныя крылы

Каля 60 бамбардзіроўшчыкаў B-17 Flying Fortress скінулі 152 тоны бомбаў на густанаселеныя раёны Прагі. У выніку загінуў 701 чалавек і было паранена 1184 чалавека, усе яны з'яўляліся грамадзянскімі асобамі. Было разбурана каля ста будынкаў, некаторыя з якіх уяўлялі культурна-гістарычную каштоўнасць.

У Чэхіі і СССР існавала версія, паводле якой бамбардзіроўкі ажыцяўляліся наўмысна для знішчэння прамысловасці, якая павінна была патрапіць у зону савецкай акупацыі.

Спасылкі

• The bombing of Prague: was it a mistake? (англ.)
• Looking back at the bombing of Prague Архівавана 11 лютага 2005. (англ.)
• Запісы пілота Джона Вінсхотэна (John Veenschoten) Архівавана 30 верасня 2007. (англ.)
• Запісы пілота Джорджа Фарсайта (George W. Forsyth's) Архівавана 30 верасня 2007. (англ.)
• Запісы пілота Роберта Дзі (Robert Dee) Архівавана 30 верасня 2007. (англ.)