Баніфацый IX

Баніфацый IX (лац.: Bonifacius PP. IX, свецкае імя: П’етра Тамачэлі, італ.: Pietro Tomacelli; каля 1350, Казаранела, Неапалітанскае каралеўства — 1 кастрычніка 1404, Рым) — Папа Рымскі з 2 лістапада 1389 г. да 1 кастрычніка 1404.

Баніфацый IX
лац.: Bonifacius PP. IX
203-і Папа Рымскі 10 лістапада 1389 — 1 кастрычніка 1404
Папярэднік	Урбан VI
Пераемнік	Інакенцій VII
Дзейнасць	каталіцкі святар
Нараджэнне	1356 Неапаль, Неапалітанскае каралеўства
Смерць	1 кастрычніка 1404 Рым, Папская вобласць
Пахаванне	Сабор Святога Пятра
Бацька	NN Tomacelli[d]
Прыняцце свяшчэннага сану	невядома
Кардынал з	1381
Медыяфайлы на Вікісховішчы

Біяграфія

П’етра Тамачэлі паходзіў з Неапаля. Быў кардыналам-дыяканам Сан-Джорджыё-ін-Велабра з 1381 года. Праз некалькі гадоў пасля абрання Баніфацыя на трон Святога Пятра ў Авіньёне быў абвешчаны Папай пераемнік Клімента VII —- Бенедыкт XIII. Раскол не толькі працягваўся, але яшчэ больш паглыбляўся. На баку авіньёнскіх Пап былі каралеўскія двары Францыі, Неапалю, Шатландыі, збольшага Германіі. Папу, які прабываў у Рыме, падтрымлівалі Англія, Партугалія і Венгрыя. Іншыя краіны захоўвалі нейтралітэт. Баніфацый IX не зрабіў нічога, каб ліквідаваць схізму. У перыяд яго пантыфіката квітнелі непатызм, гандаль індульгенцыямі і курыяльны бюракратызм, які далёка зайшоў. У 1391 годзе ў Рыме адбылася кананізацыя Брыгіты Шведскай.