Вікіпедыя

Баі за Мэкэле (2020)

Баі за Мэкэле — узброеныя сутыкненні паміж ўзброенымі сіламі Эфіопіі і паўстанцамі Тыграя за кантроль над горадам Мэкэле.

Баі за Мэкэле
Асноўны канфлікт: Тыграйскі канфлікт
Авіяўдар па горадзе 16 лістапада напярэдадні пачатку баёў.
Авіяўдар па горадзе 16 лістапада напярэдадні пачатку баёў.
Дата 17—28 лістапада 2020
Месца Мэкэле
Вынік перамога Эфіопіі
Праціўнікі
 Эфіопія
Фано[1] 		Рэгіянальная адміністрацыя:
Камандуючыя
Эфіопія Кенеа Ядэта
Эфіопія Берхану Джула 		Дэбрэцыан Гебрэмікаэль
Гетачэў Рэда
Агульныя страты
29 грамадзянскіх загінулі, звыш за 100 параненых[1][2]

Храналогія правіць

17 лістапада прэм’ер-міністр Абій Ахмед Алі заявіў, што тэрмін яго ўльтыматуму аб капітуляцыі тыграйскіх войск скончыўся, таму эфіопская армія пачынае ў рэгіёне «вырашальнае наступленне»[3]. Пасля гэтага горад падвергнуўся авіяўдары, у выніку чаго загінулі двое мірных жыхароў[2].

18 лістапада эфіопскія войскі без якіх-небудзь баёў захапілі Шырэ і Аксум. Каля 9 гадзін раніцы яны пачалі прасоўвацца да Мэкэле па трох дарогах з поўдня, усходу і паўночнага захаду. Армія наблізілася на адлегласць каля 200 кіламетраў да горада. Начальнік штаба эфіопскіх сіл Берхану Джула абвясціў, што яны імкнуцца акружыць Мэкэле і выбіць адтуль ворага. НВФТ абвясціў, што страта кантролю над Шырэ і Аксумам была толькі часовай няўдачай і што Тыграй стане «пеклам» для ўрада[4][5].

19 лістапада, па заяве НФВТ, Мэкэле быў разбомблены, але не даў ніякіх падрабязнасцяў аб ахвярах. У той жа час эфіопскія войскі працягвалі прасоўвацца да горада[6].

На наступны дзень па Мэкэле быў нанесены авіяўдар, які нанёс значны ўрон мясцоваму ўніверсітэту. Паведамлялася, што некалькі мірных жыхароў атрымалі раненні[7][8].

22 лістапада эфіопскае міністэрства абароны заявіла аб тым, што федэральныя войскі ўзялі горад Ідага-Хамус у 97 км ад Мэкэле[9]. Увечары прэм’ер-міністр Абій Ахмед Алі даў тыграйскім сілам 72 гадзіны на здачу горада Мэкэле[10]. У выпадку, калі горад не будзе здадзены, ён паабяцаў штурм. Хутка верталёты ВПС Эфіопіі праляцелі над Мэкэле і скінулі ўлёткі з заклікамі да мясцовых жыхароў у бліжэйшы час не пакідаць сваіх дамоў[11].

На наступны дзень, 23 лістапада, афіцыйны прадстаўнік урадавай мэтавай групы па надзвычайным становішчы ў штаце Тыграй Рэдван Хусейн заявіў, што ўрадавыя сілы завяршаюць працэс поўнага акружэння горада. Паводле яго слоў, войскі знаходзяцца за 50 кіламетраў ад цэнтра Мэкэле[12]. Тым часам да сталіцы Тыграя падцягвалася цяжкая артылерыя і танкі. Улады заклікалі мясцовае насельніцтва самастойна арыштоўваць членаў партыі і выдаваць ураду[13].

Падчас баявых сутыкненняў тыграйскія войскі збілі 1 верталёт ВПС Эфіопіі і знішчылі 2 танкі ўрадавага войска[14].

24 лістапада ВПС Эфіопіі знішчылі рэактыўныя гранатамёты тыграйскіх паўстанцаў у Мі-Медэне, недалёка ад Мэкэле[15]. Ужо 26 лістапада эфіопскія ўрадавыя войскі пачалі штурм наваколля Мэкэле[16]. Лідар паўстанцаў Дэбрэцыан Гебрэмікаэль заявіў, што яго сілы «гатовы стаяць да смерці» для абароны горада[17].

28 лістапада прадстаўнікі НФВТ заявілі пра тое, што горад Мэкэле падвергнуўся інтэнсіўнай бамбардзіроўцы з боку федэральных сілаў[18]. Адначасова камандаванне УС Эфіопіі заявіла аб тым, што Мэкэле знаходзіцца пад поўным кантролем урадавай арміі[19]. Прэм’ер-міністр Эфіопіі Абій Ахмед Алі заявіў пра завяршэнне ваеннай аперацыі ў Тыграі і перамозе ўрадавых сіл[20]. У сваю чаргу Дэбрэцыан Гебрэмікаэль заявіў, што іх узброеная барацьба супраць федэральных сіл будзе працягнута[21].

Зноскі правіць

  1. ↑ а б Marks, Simon; Walsh, Declan (2020-12-03). "From Shelled Ethiopian City, Doctors Tally Deaths and Plead for Help". The New York Times [амерыканская англійская]. ISSN 0362-4331. Праверана 2020-12-04.
  2. ↑ а б "Ethiopia crisis: Tigray leader vows to keep fighting as government advances". BBC News [брытанская англійская]. 2020-11-18. Праверана 2020-11-18.
  3. ↑ Премьер-министр Эфиопии предупреждает силы Тиграя, что крайний срок истек
  4. ↑ Paravicini, Giulia (2020-11-18). "Ethiopian troops push for regional capital, rebels promise 'hell'". Reuters [англійская]. Праверана 2020-11-19.
  5. ↑ Latest update on the war in Ethiopia : Defense Chief of Staff speaks (англ.). Borkena Ethiopian News (19 лістапада 2020). Праверана 19 лістапада 2020.
  6. ↑ Staff, Reuters (2020-11-19). "Rebel leader says capital of Ethiopia's Tigray region bombed". Reuters [англійская]. Праверана 2020-11-19.
  7. ↑ Ethiopia bombs university in a civil conflict that shows no signs of ending(нявызн.). www.abc.net.au (20 лістапада 2020). Праверана 21 лістапада 2020.
  8. ↑ CNN, Bethlehem Feleke and Zamira Rahim. Several injured in airstrikes on Tigray capital, humanitarian source says. CNN. Праверана 21 лістапада 2020.
  9. ↑ Ethiopian government says its forces have taken town around 100 km from Tigray capital
  10. ↑ Премьер-министр Эфиопии выдвинул ультиматум Тыграю
  11. ↑ Ethiopian breaking news
  12. ↑ Правительственные войска Эфиопии окружают столицу Тыграя // ТАСС, 23 ноября 2020
  13. ↑ «Последний шанс»: Эфиопия движется к гражданской войне // Газета.ру, Алексей Поплавский, 23 ноября 2020
  14. ↑ Заявление тыграйского бюро по связям с общественностью от 23.11.2020
  15. ↑ Ethiopia Breaking News
  16. ↑ Ethiopian army launches final phase of Tigray operation
  17. ↑ Tigray leaders promise fight to death
  18. ↑ Ethiopia bombardment Tigray
  19. ↑ Ethiopia conflict
  20. ↑ Ethiopian prime minister announces military operation in Tigray(недаступная спасылка). Архівавана з першакрыніцы 12 снежня 2020. Праверана 29 лістапада 2020.
  21. ↑ Tigray leader says about fighting with ethiopian government
Узята з "https://be.wikipedia.org/w/index.php?title=Баі_за_Мэкэле_(2020)&oldid=4645035"