Помнік «Беларусам замежжа» — скульптурная кампазіцыя ў гістарычным раёне Траецкае прадмесце ў цэнтры Мінска за аўтарствам архітэктара Армена Сардарава і скульптара Аляксандра Фінскага. Трохметровы памятны знак у форме кола, апяразанага рушніком з нацыянальным арнаментам, на гранітным валуне[1].

Помнік
Беларусам замежжа
Беларусам замежжа.jpeg
53°54′27″ пн. ш. 27°33′20″ у. д.HGЯO
Краіна Беларусь
Горад Мінск
Скульптар Аляксандр Фінскі
Архітэктар Армен Сардараў
Дата заснавання 2017
Дата пабудовы 2017 год

Адкрыты 8 верасня 2017 года, прысвечаны ўсім беларусам, якія па тых ці іншых прычынах пражываюць за межамі краіны — у дыяспары[2]. У мерапрыемстве ўзялі ўдзел міністр замежных спраў Уладзімір Макей, міністр культуры Барыс Святлоў і старшыня Мінгарвыканкама Андрэй Шорац.

Памятны знак уяўляе сабой кола — адзін з самых старажытных славянскіх знакаў, якія ўвасабляюць сонца, зямное кола жыцця, вечнасць. Суаднесены з карагодам — еднасці і супольнай справы. Ён закліканы паказаць, што беларусы адзіныя, нават калі не жывуць у адной краіне. Бронзавую скульптуру дыяметрам каля 3 м усталявалі на гранітным валуне. Вобраз дапоўніў ручнік з нацыянальным арнаментам[3]. Ручнік здаўна лічыўся сімвалам шляху, агульнай дарогі[4].

Зноскі