Брандэнбург (ГДР)

Зямля Брандэнбург (ням.: Land Brandenburg) — адміністрацыйная адзінка на тэрыторыі савецкай зоны акупацыі Германіі і пазней у складзе Германскай Дэмакратычнай Рэспублікі. Была ўтворана ў 1946 годзе на тэрыторыі былой прускай правінцыі Брандэнбург. У ліпені 1952 года ў выніку адміністрацыйнай рэформы ў ГДР зямля Брандэнбург была рэарганізавана і ператворана ў тры акругі ў складзе ГДР: Котбус, Патсдам і Франкфурт.

Брандэнбург
ням.: Mark Brandenburg
ням.: Brandenburg
Герб Сцяг
Герб Сцяг
Краіна
Уваходзіць у
Адміністрацыйны цэнтр
Дата ўтварэння 25 лютага 1947
Дата скасавання 25 ліпеня 1952
Насельніцтва
  • 2 725 000 ± 1 000 чал. (1950)
Плошча
  • 27 612 км²
Брандэнбург на карце
Лагатып Вікісховішча Медыяфайлы на Вікісховішчы
Граніцы зямлі Брандэнбург у 1947 годзе (сінім) і ў 1990 годзе (чырвоным)

Утварэнне правіць

У 1946 годзе ў склад зямлі Брандэнбург на тэрыторыі савецкай зоны акупацыі Германіі ўвайшлі акругі Патсдам і Франкфурт, якія ўваходзілі ў прускі Брандэнбург на заходнім беразе Одэра. Землі Ноймарка на ўсходнім беразе Одэра былі перададзены ў склад Польшчы. З ліквідацыяй Вольнай дзяржавы Прусіі законам Кантрольнага савета № 46 ад 25 лютага 1947 года Брандэнбург афіцыйна перастаў быць часткай Прусіі. Зямля Брандэнбург захавалася і пасля ўтварэння ГДР у 1949 годзе.

Урад правіць

У маі 1945 года Вальтэр Ульбрыхт даручыў фарміраванне правінцыйнай адміністрацыі Бернхарду Бехлеру, некалі члену НСДАП, які ўступіў у савецкім палоне ў Саюз германскіх афіцэраў. 29 чэрвеня новы склад адміністрацыі правінцыі, зацверджаны маршалам Г. К. Жукавым, прыступіў да працы. У склад Прэзідыума правінцыі Брандэнбург увайшлі Карл Штайнгоф (СДПГ), Эдвін Гёрнле (КПГ) і Бернхард Берхлер (КПГ) у якасці намеснікаў, а таксама Фрыц Рукер (СДПГ) і беспартыйны Георг Рэмак.

Першыя змены ў складзе ўрада адбыліся ўжо ў верасні 1945 года. Камуніст Генрых Рау змяніў у Прэзідыуме Гёрнле, Рэмак, які адмовіўся падпісаць распараджэнне аб правядзенні зямельнай рэформы ад 6 верасня 1945 года, быў зняты загадам Савецкай ваеннай адміністрацыі ў Германіі, на яго месца быў прызначаны Франк Шляйзенер (ХДС).

У 1946 годзе СВАГ склікаў Кансультатыўны сход, закліканы стаць парламентам у Брандэнбургу. Дэпутаты новага ландтага Брандэнбурга сабраліся на першае пасяджэнне пасля выбараў восенню 1946 года. Пасля выбараў у ландтаг Прэзідыум замяніў зямельны ўрад, у склад якога ўвайшлі сем міністраў, якімі сталі члены Прэзідыума за выключэннем Франка Шляйзенера.

У 1949 годзе ўрад Брандэнбурга ўзначаліў Рудальф Ян. Пачынаючы з 1948 года землі ў савецкай зоне акупацыі паслядоўна страчвалі свае кампетэнцыі, і значэнне зямельнага ўрада змяншалася. Апошні склад ландтага Брандэнбурга ў складзе ГДР быў выбраны ў 1950 годзе па адзіным спісе Нацыянальнага фронту ГДР.

Ліквідацыя правіць

У рамках адміністрацыйнай рэформы ў ГДР 1952 года зямля Брандэнбург была распушчана з фарміраваннем на яе тэрыторыі трох акруг: Котбус, Патсдам і Франкфурт-на-Одэры. Раён Перлеберг увайшоў у склад акругі Шверын, а раёны Прэнцлау і Тэмплін — да акругі Нойбрандэнбург. Пасля аб’яднання Германіі ў 1990 годзе новая зямля Брандэнбург у цэлым захавала граніцы 1952 года.

Прэм’ер-міністры зямлі Брандэнбург у ГДР правіць

Зноскі

Літаратура правіць

  • Martin Broszat, Gerhard Braas, Hermann Weber: SBZ-Handbuch. 1993, ISBN 3-486-55262-7, S. 85 ff.