Буйнавіцкі вал
Бу́йнавіцкі вал — тэктанічная структура ў Лельчыцкім і Мазырскім раёнах Гомельскай вобласці, у межах Ельскага грабена і Нараўлянскага горста Прыпяцкага прагіну.
![](http://upload.wikimedia.org/wikipedia/commons/thumb/a/ac/%D0%9F%D1%80%D1%8B%D0%BF%D1%8F%D1%86%D0%BA%D1%96_%D0%BF%D1%80%D0%B0%D0%B3%D1%96%D0%BD_-_%D1%81%D0%B0%D0%BB%D1%8F%D0%BD%D1%8B%D1%8F_%D0%B4%D1%8B%D1%81%D0%BB%D0%B0%D0%BA%D0%B0%D1%86%D1%8B%D1%96.svg/300px-%D0%9F%D1%80%D1%8B%D0%BF%D1%8F%D1%86%D0%BA%D1%96_%D0%BF%D1%80%D0%B0%D0%B3%D1%96%D0%BD_-_%D1%81%D0%B0%D0%BB%D1%8F%D0%BD%D1%8B%D1%8F_%D0%B4%D1%8B%D1%81%D0%BB%D0%B0%D0%BA%D0%B0%D1%86%D1%8B%D1%96.svg.png)
Выдзяляецца па паверхні саляноснай тоўшчы. Аб’ядноўвае Дуброўскае падняцце, Велікапольскую і Лельчыцкую саляныя падушкі, Буйнавіцкі і Махнавіцкі саляныя крыптадыяпіры. Арыентаваны ў субшыротным напрамку, даўжыня 60 км, шырыня 4—10 км. Паверхня саляноснай тоўшчы ў скляпеннях падняццяў на глыбіні 500—800 м, перавышэнне над сумежнымі сінкліналямі 100—1000 м.
Буйнавіцкі вал сфарміраваўся ў выніку блокавых пасоўванняў па разломах і праяўлення саляной тэктонікі ў галітавай тоўшчы ў асноўным у верхнедэвонскі і каменнавугальны час. Скляпенне Буйнавіцкай саляной антыкліналі ссунута на 2—3 км на поўдзень ад паднятай часткі падсалявога блока, з якім яна звязана.
Літаратура
правіць- Канішчаў В. С.. Буйнавіцкі вал // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 353. — 575 с., іл. — 10 000 экз.