Буш (ландшафт)
Буш (англ.: Bush — куст, хмызняк) — шырокія неасвоеныя чалавекам прасторы, звычайна парослыя хмызняком або нізкарослымі дрэвамі, у Аўстраліі (у асноўным), Новай Зеландыі, Паўднёвай Афрыцы, Канадзе і на Алясцы.
Буш | |
---|---|
Краіна |
Аўстралія правіць
Буш — тэрмін аўстралійскага паходжання. Так першыя еўрапейскія пасяленцы назвалі незнаёмы ім ландшафт, які складаецца з кустоў і нізкарослых дрэў, прычым жоўта-карычневыя адценні пераважалі над знаёмымі ім зялёнымі. Цяпер тэрмінам буш у Аўстраліі называюць амаль любую маланаселеную мясцовасць кантынента, незалежна ад тыпу расліннасці там (для абазначэння яшчэ менш населенай і бясплоднай выкарыстоўваецца тэрмін аўтбэк).
Буш быў апеты паэтамі Генры Лоўсанам і Эндру Патэрсанам, існуе нават паняцце «паэзія бушу» ; пейзажы бушу малявалі мастакі Том Робертс, Артур Стрытан і Фрэдэрык Мак-Кабін[1][2].
У Аўстраліі фраза «або ўсё, або нічога» часта гучыць як «Сідней або буш»[3].
Новая Зеландыя правіць
У Новай Зеландыі тэрмін буш выкарыстоўваецца, у прынцыпе, у тым самым значэнні, што і ў суседняй Аўстраліі, можа азначаць лугі і лясы за межамі абжытых мясцін. Больш за ўсё бушу на Паўднёвым востраве, асабліва ў рэгіёне Уэст-Кост[4].
Паўднёвая Афрыка правіць
У Паўднёвай Афрыцы тэрмін буш мае крыху іншае значэнне: ненаселеныя мясціны, але не велд, таксама так называюць саванны ў паўночнай частцы Паўднёва-Афрыканскай рэспублікі.
На Алясцы бушам называют мясціны, да якіх немагчыма дабрацца на аўтамабілі. Такім чынам, большая частка штата з’яўляецца бушам. Асноўны сродак перамяшчэння на Алясцы — невялікі самалёт, на якім прыватны пілот перапраўляе пасажыраў (як правіла, аматараў і рыбакоў) у «любы пункт на карце», — мае назву буш-пілот.[5] У Канадзе слова мае тое ж значэнне, на мясцовым дыялекце французскай мовы la brousse ці le bois.[6]
Гл. таксама правіць
- Аўтбэк — вялікія выдаленыя засушлівыя практычна ненаселеныя раёны Аўстраліі.
- Дзікая прырода (англ. Wilderness) — участкі дзікай прыроды, нечапаныя чалавекам.
- Бушмены (Паўднёвая Афрыка)
- Бушрэйнджары (Аўстралія)
Зноскі
- ↑ Австралийский буш Архівавана 27 лютага 2012. на сайце australia.gov.au
- ↑ Мастакі Аўстраліі Архівавана 21 кастрычніка 2012. на сайце australia.gov.au
- ↑ Джон Макдональд.
- ↑ The New Zealand bush // Te Ara — the Encyclopedia of New Zealand.
- ↑ Андрей Великанов. Аляскинские «короли» Архівавана 5 жніўня 2013. (руск.) на сайте belkamfish.com
- ↑ Чарлз П.
Спасылкі правіць
- Крыс Бэйкер. Contemporary Australia: Sydney or the Bush? (англ.) на сайце abc.net.au, 2005 год, National Centre for Australian Studies, Універсітэт Монаш
- Алена Говар. «Я не ведаю дрэў маркотней эўкаліптаў...» Архівавана 4 сакавіка 2016. (руск.) на сайце go2australia.ru
- Аляксей Баяркін. Брокен-Хілс. Коромандел. Зіма. (руск.) на сайце world.lib.ru
- Сяржант, выведвальны атрад спецыяльнага прызначэння паўднёваафрыканскай арміі, паўдневаафрыканскі буш, 1990-я(недаступная спасылка) (руск.) на сайце admrazmetelevo.com