Бэнксі
Бэ́нксі (англ.: Banksy) — ананімны англійскі мастак-графіціст, вандал, палітычны актывіст і рэжысёр. Існуюць здагадкі, што швейцарскі мастак Мэтр дэ Касон (Maître de Casson) можа быць Бэнксі[5]. Мэтр дэ Касон на сваім сайце гэта адмаўляе[6]. Поўныя сацыяльнай іроніі і чорнага гумару творы яго падрыўнога стрыт-арту перыядычна з’яўляюцца на сценах вуліц, агароджах, мастах па ўсім свеце. Бэнксі працуе ў стылі шаблоннага графіці. Мастак з’яўляецца найбольш яркім выхадцам са школы Брыстальскага андэграўнду. Менавіта Брысталь — а калі дакладней, мястэчка Ейт за 19 км ад Брысталя, дзе, як лічаць, у 1973 годзе нарадзіўся Бэнксі — называюць родным горадам мастака. У 1990-х Бэнксі жыў і працаваў у Брысталі, недзе ў 2000-м перабраўся ў Лондан.
| Бэнксі | |
|---|---|
 | |
| Дата нараджэння | мерк. 28 ліпеня 1974[1] (49 гадоў) |
| Месца нараджэння | |
| Грамадзянства | |
| Род дзейнасці | кінарэжысёр, мастак, палітычны актывіст, артывіст, пісьменнік, скульптар, graffiti artist, інвестыцыйны актывіст, мастак-манументаліст, вулічны артыст |
| Жанр | паблік-арт[d][2], social-artistic project[d][2], стрыт-арт[d], Графіці і скульптура |
| Мастацкі кірунак | сучаснае мастацтва[d][3][4] |
| Узнагароды | |
| Сайт | banksy.co.uk (англ.) |
 Медыяфайлы на Вікісховішчы | |
.svg){kind=small}
Асоба правіць
Згодна з найбольш верагоднай версіяй, сапраўднае імя Бэнксі — Робін Канінгем (Robin Gunningham). Прынамсі, колішнія аднакласнікі Канінгема пацвердзілі гэтыя чуткі, а эксперты даказалі падабенства стылю Бэнксі і Канінгема. Адвакаты Бэнксі ні пацвердзілі, ні абверглі гэтыя сцверджанні. Іншыя здагадкі атаясняюць Бэнксі або з лідарам трып-хоп гурта «Massive Attack» Робертам Дэль Ная, або з мастаком коміксаў Джэмі Х’юлемтам. Вядома, што Роберта Дэль Ная — у 1980-х выдатнага графіціста — Бэнксі называе сваім сябрам і чалавекам, што найбольш паўплываў на яго ў пачатку творчага шляху.
Творчасць і камерцыя правіць
Раней Бэнксі прадаваў фотаздымкі з відарысамі сваіх графіці, але больш не робіць гэтага. З цягам часу яго работы перайшлі з катэгорыі актаў вандалізму ў разрад мастацкіх шэдэўраў. І сёння прадаюцца самі работы, часам гэта можа быць кавалак сцяны або агароджы.
Бэнксі-рэжысёр правіць
У 2011 годзе Бэнксі прэзентаваў стужку «Выхад праз сувенірную краму» (Exit Through the Gift Shop), якую намінавалі на Оскар у катэгорыі найлепшы паўнаметражны дакументальны фільм.
Галерэя правіць
-
«Канстэблі, якія цалуюцца», -
Графіці на сцяне клінікі сексуальных праблем, Брысталь -
Сфатаграфаванае графіці Бэнксі, 2004 -
«Азонавы анёл» -
«Свінгер», Новы Арлеан
Зноскі
- ↑ https://www.thedailybeast.com/the-secret-life-of-the-real-banksy-robin-gunningham
- ↑ а б Union List of Artist Names
- ↑ Artnet — 1998.
- ↑ http://www.artnet.com/artists/banksy/
- ↑ https://trendkraft.io/kunst-kultur-und-religion/ist-banksy-der-leipziger-maler-maitre-de-casson/
- ↑ Архіўная копія(недаступная спасылка). Архівавана з першакрыніцы 31 сакавіка 2022. Праверана 15 верасня 2023.