Біньямін Анэкштэйн
Біньямін Анэкштэйн (1 красавіка 1903, Баранавічы — 19 мая 1949,Тэль-Авіў) — палесцінскі і ізраільскі архітэктар.
| Біньямін Анэкштэйн | |
|---|---|
| Дата нараджэння | 1 красавіка 1903 |
| Месца нараджэння | |
| Дата смерці | 19 мая 1949 (46 гадоў) |
| Месца смерці | |
| Грамадзянства | |
| Альма-матар | |
| Працаваў у гарадах | Брусель і Тэль-Авіў |
.svg){kind=small}
Біяграфія правіць
Нарадзіўся 1 красавіка 1903 года ў Баранавічах.
Ва ўзросце 19 гадоў перабраўся з бацькамі ў Эрэц-Ісраэль. У 1922 годзе вучыўся ў акадэміі «Бецалель», пасля працаваў як будаўнік, з 1924 года – у архітэктурным бюро Берліна і Пацоўскага[1].
У 1928 вывучаў архітэктуру ў Генце і Бруселі.
Пасля заканчэння навучання ў 1932 годзе ўдзельнічаў у праектаванні грамадскіх будынкаў у Бруселі, у тым ліку прамысловага банка Бельгіі (фр. Banque Industrielle Belge).
Пасля вяртання ў 1932 годзе ў Палестыну пачынае працаваць у архітэктурнай кампаніі Меіра Рубіна ў Іерусаліме.
Прымаў удзел у розных архітэктурна-дызайнерскіх праектах і конкурсах. Сярод яго работ у першай палове 1930-х гадоў цэнтральны гараж аўтобуснай кампаніі «Ха-Маавір» і рабочыя кварталы ў Тэль-Авіве. У 1937 годзе стварыў будынак Яўрэйскага нацыянальнага фонда[2].
У часы Другой сусветнай вайны працаваў у Дэпартаменце грамадскіх работ у Іерусаліме.
Пасля вайны заснаваў уласную фірму, праектаваў грамадскія будынкі[3][4].
Памёр 19 мая 1949 года[5].
Зноскі
- ↑ The ultimate street signs, historical sites and house numbers | Sign-O-Pedia: Benjamin Anekstein. www.streetsigns.co.il. Праверана 3 красавіка 2024.
- ↑ Ze'ev Herzog Professor Aharon Kempinski (1939–1994) // Tel Aviv. — 1994-09. — В. 2. — Т. 21. — С. 159–161. — ISSN 0334-4355. — DOI:10.1179/tav.1994.1994.2.159
- ↑ Idelson House – Tal Eyal Architecture. taleyal.com. Праверана 3 красавіка 2024.
- ↑ Documentation and Conservation Consultation of Beit Romano (англ.). Mimar Naor Architecture & Conservation. Праверана 3 красавіка 2024.
- ↑ Maisons Sur Le Sable (des). — éditions de l’éclat. — 458 с. — ISBN 978-2-84162-077-7.