Біргер Персан
Біргер Персан (шведск.: Birger Persson, таксама выкарыстоўваецца Петэрсан; ? — 1327) — шведскі арыстакрат, каралеўскі райца, галоўны суддзя правінцыі Упланд, сааўтар Упландскага права і бацька св. Брыгіты.
| Біргер Персан | |
|---|---|
| шведск.: Birger Persson | |
 | |
| Нараджэнне | XIII стагоддзе |
| Смерць | 1327[1][2] ці 3 красавіка 1327[3] |
| Месца пахавання | |
| Бацька | Peter Israelsson [Finstaätten][d][4] |
| Маці | NN Birgersdatter [Skänkare][d][4] |
| Жонка | Ingeborg Bengtsdotter[d] |
| Дзеці | Брыгіта Шведская, Katarina Birgersdotter[d] і Israel Birgersson[d] |
| Дзейнасць | рыцар, ваенны |
Біяграфія правіць
Імя Біргера Петэрсана згадваецца каля 1280 года, калі ён стаў рыцарам. У 1285—1291 гадах ён быў каралеўскім райцам, а ў 1293 годзе стаў галоўным суддзёй правінцыі Упланд. На гэтай пасадзе Біргер сістэматызаваў у агульны збор законы некалькіх правінцый.
Біргер Петэрсан быў адным з самых блізкіх паплечнікаў караля Біргера Магнусана. У 1303 годзе разам з архіепіскапам Андрэасам І выступаў арбітрам паміж каралём і яго братам герцагам Эрыкам ў спрэчцы за маёмасць у правінцыі Упланд. У 1317 годзе быў адным з удзельнікаў паўстання супраць караля Магнусана, у выніку якога сталец заняў трохгадовы сын Магнусана Магнус Эрыксан. У 1321 годзе паломнічаў у Авіньён, які тым часам быў рэзідэнцыяй рымскіх папаў. У апошнія гады жыцця Біргер стаў адным з буйнейшых землеўласнікаў Швецыі і адным з найбагацейшых людзей краіны. Біргер Петэрсан памёр 3 красавіка 1327 года і пахаваны ў Упсальскім саборы, яго надмагілле захавалася да нашых дзён.