Б’ела

Б’ела (італ.: Biella) — горад у П’емонце, цэнтр аднайменнай правінцыі. Размешчаны на рацэ Чэрва, ля падножжа Альпаў, прыкладна на роўнай адлегласці ад Мілана і Турына. Насельніцтва — 46 тыс. жыхароў (2007).

Б’ела італ.: Biella Герб Краіна  Італія Каардынаты 45°33′59″ пн. ш. 8°03′12″ у. д. Плошча 46,69 км² (9 кастрычніка 2011) Вышыня цэнтра 420 ± 1 м Насельніцтва ▼42 619 чал. (1 студзеня 2023) Часавы пояс UTC+1 і UTC+2 Тэлефонны код 015 Паштовыя індэксы 13900 Аўтамабільны код BI Афіцыйны сайт comune.biella.it Б’ела на карце Італіі

Медыяфайлы на Вікісховішчы

Горад упершыню згаданы ў грамаце Людовіка Набожнага як Бугела. Да 1379 года належаў графам Верчэлі, затым служыў яблыкам разладу паміж міланскімі Вісконці і Савойскім домам, які выйшаў пераможцам. Далейшы рост горада звязаны з пераўтварэннем яго ў цэнтр шарстапрадзільнай прамысловасці.

Б’ела багатая помнікамі даўніны, сярод якіх — саборная царква (1402), раманскі баптыстэрый (X стагоддзе), рэнесансныя храмы св. Себасцьяна і Гераніма (XVI стагоддзе). Царкоўна-манастырскі комплекс Сакра-Монтэ-дзі-Орапа — адна са «святых гор», якія знаходзяцца пад аховай ЮНЕСКА як помнік Сусветнай спадчыны.

Вядомыя ўраджэнцы і жыхары

• Мікеланджэла Пісталета, італьянскі архітэктар