Ваенная бяспека

Ваенная бяспека — ваенны складнік дзяржаўнай бяспекі, які забяспечваецца станам узброеных сіл і іншых органаў дзяржаўнай улады, якія падтрымліваюць абаронную здольнасць дзяржавы на ўзроўні, патрабаваным для ўстанаўлення спрыяльных узаемаадносін з іншымі дзяржавамі і не дапушчэння ўзброенага канфлікту.

Ваенная бяспека вызначаецца гатоўнасцю і здольнасцю дзяржавы абараняць свае інтарэсы і суверэнітэт, супрацьстаяць ваеннай агрэсіі і любым іншым формам знешняга ціску, у тым ліку, ваеннага гвалту або шантажу з пазіцыі сілы, а таксама спыняць спробы развязаць грамадзянскую вайну, міжнацыянальныя канфлікты з ужываннем гвалту або тэрарыстычнай дзейнасці.

У сістэме ваеннай бяспекі важнае значэнне маюць:

• разведка, у прыватнасці, ваенная разведка, асноўная задача якой — выкананне комплексу мерапрыемстваў па атрыманні і апрацоўцы даных аб дзеючым або верагодным вораге, яго ваенных рэсурсах, баявых магчымасцях і ўразлівасці, а таксама аб дзеючым або верагодным тэатры ваенных дзеянняў;
• контрразведка, задача якой складаецца ў спыненні разведвальнай дзейнасці адпаведных органаў іншых дзяржаў і антыўрадавых, напрыклад, экстрэмісцкіх і тэрарыстычных арганізацый;
• памежныя войскі, прызначаныя для аховы знешніх межаў дзяржавы, а таксама для падтрымання адпаведнага рэжыму ў памежнай зоне;
• узброеныя сілы.

Найважнейшымі знешнімі фактарамі забеспячэння ваеннай бяспекі дзяржавы з’яўляюцца:

• зніжэнне (ліквідацыю) ваенных пагроз палітычнымі сродкамі,
• памяншэнне колькасці верагодных праціўнікаў і набыццё новых саюзнікаў, распрацоўка сістэмы мер па прадухіленні і лакалізацыі ваенных канфліктаў,
• супрацоўніцтва з суседнімі дзяржавамі (у тым ліку — у антытэрарыстычнай дзейнасці);
• удзел у абарончых ваенна-палітычных саюзах для калектыўнага адпору магчымай агрэсіі;
• удзел у дамоўных працэсах па скарачэнні і абмежаванні ўзбраенняў і ўзброеных сіл; стварэнне на ўзаемнай аснове зон паніжаных узроўняў узбраенняў, дэмілітарызаваных зон, зон ядзернай бяспекі і адкрытай паветранай прасторы;
• абмежаванне на ўзаемнай аснове ўсіх відаў ваеннай дзейнасці.

Спасылкі

• Данилевич А.А., Рогозин О.К., Лоскутов Д.В.. Война и мир в терминах и определениях. Военно-политический словарь под общ. ред. Д. Рогозина (руск.)(недаступная спасылка). Архівавана з першакрыніцы 1 снежня 2017. Праверана 12 лістапада 2017.
• Военная опасность (руск.). Военный энциклопедический словарь. Официальный сайт Министерства Обороны Российской Федерации. Праверана 12 лістапада 2017.
• Насилие военное (руск.). Военный энциклопедический словарь. Официальный сайт Министерства Обороны Российской Федерации. Праверана 12 лістапада 2017.
• Угроза силой и её применение (руск.). Военный энциклопедический словарь. Официальный сайт Министерства Обороны Российской Федерации. Праверана 12 лістапада 2017.
• Угроза военная (руск.). Военный энциклопедический словарь. Официальный сайт Министерства Обороны Российской Федерации. Праверана 12 лістапада 2017.
• Макаренко И. К., Морозов В.С.. Военная безопасность государства: сущность, структура и пути обеспечения на современном этапе (руск.). Учеб. пособие. Рос. акад. гос. службы при Президенте Рос. Федерации. Праверана 3 студзеня 2018.
• Синчук Ю. В.. Основные направления совершенствования военной безопасности России (политологический аспект) (руск.). Вестник Московского государственного лингвистического университета. Праверана 3 студзеня 2018.