Вольга Гронская

Вольга Гронская (1978; пас. Крывічы, Мядзельскі раён, Мінская вобласць) — беларуская паэтка, перакладчыца.

Вольга Гронская
Асабістыя звесткі
Дата нараджэння	1978
Месца нараджэння	Крывічы, Крывіцкі сельсавет, Мядзельскі раён, Мінская вобласць, БССР, СССР
Альма-матар	філалагічны факультэт БДУ
Месца працы	філалагічны факультэт БДУ
Прафесійная дзейнасць
Мова твораў	беларуская
Прэміі	Залаты апостраф (2019) прэмія імя Карласа Шэрмана

Біяграфічныя звесткі

Нарадзілася ў 1978 годзе ў пасёлку Крывічы (Мядзельскі раён). Скончыла філалагічны факультэт БДУ, рамана-германскае аддзяленне, а затым аспірантуру пры ім. У 2004 абараніла кандыдацкую дысертацыю на тэму «Хранатоп прозы Інгеборг Бахман». Працуе на філфаку БДУ. Выдала зборнік паэзіі «АдВольная міфалогія» (2013). Перакладае з нямецкай і польскай моваў. Пераклады друкаваліся ў часопісах «Крыніца» і «Фрагмэнты». На беларускую мову пераклала раман нямецкага пісьменніка Даніэля Кельмана «Тыль» (2020).

Прэміі і ўзнагароды

Лаўрэат прэміі «Залаты апостраф» (2019). Лаўрэат прэміі імя Карласа Шэрмана (2021) за пераклад з нямецкай кнігі «Тыль» Даніэля Кельмана.