Вольнеры

«Вольнеры»
«Вольнеры»
Жанр	мастацкая літаратура, прыгодніцкая літаратура і фэнтэзі
Аўтар	Валерый Мікалаевіч Гапееў
Мова арыгінала	беларуская
Дата першай публікацыі	2023
Выдавецтва	Выдавецтва «Янушкевіч»
ISBN	978-83-967190-4-1

«Вольнеры» — серыя фэнтэзійна-прыгодніцкіх гісторый пра старшакласнікаў адной з мінскіх школ, па матывах беларускай міфалогіі^[1]. Аўтар — Валерый Гапееў.

Сюжэт

«Прадвесце»

Тры старшакласнікі адной з мінскіх школ знаходзяць уваход у іншасвет, дзе дзейнічаюць істоты, багі і духі з беларускай міфалогіі.

Шлях галоўных герояў пачынаецца з жадання вырашыць свае праблемы, а заканчваецца выбарам падарожжа за гранню, напоўненага прыгодамі, выпрабаваннямі і таямніцамі^[2].

«Бясконцы дзень»

Сямёра сяброў разумеюць, што іх краіна знаходзіцца пад аўтакратычным прэсам, а народ жыве ў імгле прапаганды. Сямёрка сяброў памятаюць, якой іх краіна была да гэтага. Яны разумеюць, што ў іх ёсць толькі адзіны шанец вярнуць былую волю і былое шчасце. Але напачатку трэба распрацавць план і здзейсніць яго, каб трапіць у іншасвет, дзе знаходзіцца выйсце.

Зло, дзейнічае па сваіх правілах, і яго цяжка перамагчы без парушэння уласных маральных прынцыпаў. Падчас доўгай вандроўкі па іншасвеце героям аповесці давдзяецца шукаць адказы на мноства пытанняў, сярод якіх будзе і надзіва простае: хіба так, як ёсць, нельга жыць і быць у гэтым трошкі шчаслівым? Нібыта ж так добра ў сістэме, дзе табе гарантаваная будучыня і няма клопату пра яе ўладкаванне і дзе ты пазбаўлены ўсякіх мітрэнгаў адносна розных пошукаў.

Выпрабаванні ў іншасвеце надаюць часу іншае асэнсаванне, раскрываюць характары і правераюць душы герояў, у тым ліку выпрабаваннем на здраду^[3].

Гісторыя стварэння

Серыя «Вольнеры» задумана аўтарам як трылогія. Першая частка «Вольнеры. Прадвесце» выйшла ў 2023 годзе. Рукапіс другой кнігі «Вольнеры. Бясконцы дзень» удзельнічаў у конкурсе рукапісаў «Шуфлядка», дзе стаў пераможцам і атрымаў як прыз фінансавую дапамогу для выдання друкаванай кнігі^[4].

Другая частка кнігі, «Вольнеры. Бясконцы дзень», пабачыла свет у 2024 годзе.

Адзнакі кнігі і прызнанне

2023 год — другая частка трылогіі «Вольнеры. Бясконцы дзень» стала лаўрэатам першага конкурсу рукапісаў «Шуфлядка» (намінацыя «Фэнтэзі, фантастыка, прыгоды, дэтэктыў»)^[5].

Зноскі

↑ 7 навінак прозы ад беларускіх выдавецтваў (нявызн.). sojka.io. Праверана 18 лістапада 2023.
↑ Вольнеры. Прадвесце — Валер Гапееў (нявызн.). Knihauka (6 сакавіка 2023). Праверана 18 лістапада 2023.
↑ Валер Гапееў напісаў працяг фэнтэзі “Вольнеры” (нявызн.). Белліт (5 сакавіка 2024). Архівавана з першакрыніцы 6 сакавіка 2024. Праверана 6 лютага 2024.
↑ Валеры Гапееў. Вольнеры. Бясконцы дзень (нявызн.) (21 кастрычніка 2023). Праверана 18 лістапада 2023.
↑ Абвешчаныя пераможцы конкурса “SHUFLADKA” – 2023 у трох намінацыях (нявызн.). Shufladka. Конкурс рукапісаў Pradmova (чэрвень, 2023). Праверана 18 лістапада 2023.

[1] 7 навінак прозы ад беларускіх выдавецтваў (нявызн.). sojka.io. Праверана 18 лістапада 2023.

[2] Вольнеры. Прадвесце — Валер Гапееў (нявызн.). Knihauka (6 сакавіка 2023). Праверана 18 лістапада 2023.

[3] Валер Гапееў напісаў працяг фэнтэзі “Вольнеры” (нявызн.). Белліт (5 сакавіка 2024). Архівавана з першакрыніцы 6 сакавіка 2024. Праверана 6 лютага 2024.

[4] Валеры Гапееў. Вольнеры. Бясконцы дзень (нявызн.) (21 кастрычніка 2023). Праверана 18 лістапада 2023.

[5] Абвешчаныя пераможцы конкурса “SHUFLADKA” – 2023 у трох намінацыях (нявызн.). Shufladka. Конкурс рукапісаў Pradmova (чэрвень, 2023). Праверана 18 лістапада 2023.

[1]

[2]

[3]

[4]

[5]