Джарвіс
Джа́рвіс (англ.: Jarvis Island) — каралавы востраў у цэнтральнай частцы Ціхага акіяна, знаходзіцца паміж Гаваямі і астравамі Кука. Агульная плошча вострава складае 4,5 км². Джарвіс быў адкрыты брытанцамі ў 1821 годзе, а ў 1858 годзе быў анексаваны Злучанымі Штатамі. Востраў таксама вядомы пад назвай Бункер (Bunker Island).
| Джарвіс | |
|---|---|
| англ. Jarvis | |
 Выгляд з космасу | |
| Характарыстыкі | |
| Плошча | 4,5 км² |
| Насельніцтва | 0 чал. |
| Размяшчэнне | |
| 0°22′ пд. ш. 160°01′ з. д.HGЯO | |
| Архіпелаг | Астравы Лайн |
| Акваторыя | Ціхі акіян |
| Краіна | |
 | |
 Медыяфайлы на Вікісховішчы | |
Геаграфія правіць
На востраве няма партоў ці прыстаняў, існуе толькі некалькі невялікіх заліваў, прыдатных да падыходу караблёў. У цэнтры Джарвіса знаходзіцца лагуна, дзе на працягу дваццаці гадоў у ХІХ стагоддзі вялася здабыча гуана.
Клімат вострава трапічны, спякотны з высокай дзённай тэмпературай. Ночы значна халаднейшыя. Глеба вострава пераважна пясчаная, паверхня ўздымаецца над морам на 7 метраў над узроўнем мора. Вакол вострава знаходзяцца каралавыя рыфы.
Знаходзячыся ў 35 км на поўдзень ад экватара, Джарвіс не мае крыніцаў пітной вады. Большая частка флоры была знішчана здабытчыкамі гуана. Сустракаюцца толькі невялікія кавалкі травы.
Гісторыя правіць
Востраў адкрыты еўрапейцамі 21 жніўня 1821 года брытанскім караблём Eliza Francis, які належаў Эдварду Томасу і Вільяму Джарвісу, і кіраваўся капітанам Браўнам. У сакавіку 1857 года востраў далучаны да ЗША згодна з Guano Islands Act, і фармальна анексаваны 27 лютага 1858 года. Некаторы час тут вялася здабыча гуана амерыканскімі кампаніямі.
Спасылкі правіць
На Вікісховішчы ёсць медыяфайлы па тэме Джарвіс- Jarvis Island Home Page : Website with photos, weather, and more.
- Republic of Howland, Baker and Jarvis Архівавана 2 студзеня 2006. : A fictional alternative reality Micronation.
- WorldStatesmen
