Кіш (востраў)
Кіш (перс.: کيش) — востраў у Персідскім заліве. Уваходзіць у склад Ірана. Плошча - 91,5 км². Насельніцтва (2010 г.) - 26 тыс. чал.
| Кіш | |
|---|---|
| перс. کيش | |
 Пляж на Кішы | |
| Характарыстыкі | |
| Плошча | 91,5 км² |
| Насельніцтва | 26 000 чал. |
| Шчыльнасць насельніцтва | 284,15 чал./км² |
| Размяшчэнне | |
| 26°32′ пн. ш. 53°58′ у. д.HGЯO | |
| Акваторыя | Персідскі заліў |
| Краіна | |
 | |
 Аўдыё, фота і відэа на Вікісховішчы | |
ГеаграфіяПравіць
Востраў Кіш знаходзіцца на поўначы Персідскага заліва ў 16,36 км ад паўднёвага ўзбярэжжа Ірана, у 1036,6 км ад Тэгерана і 3733,44 км ад Мінска. Мае мацерыковае паходжанне. Складзены асадкавымі пародамі, пераважна вапнякамі. Паверхня раўнінная. Найвышэйшы пункт - 45 м.
Клімат субтрапічны засушлівы. Сярэдняя гадавая колькасць ападкаў - каля 145 мм, аднак улетку вільготнасць паветра дасягае 60%. Сярэднегадавая тэмпература 26,6° C.
ГісторыяПравіць
Кіш здаўна быў вядомы здабычай высакаякаснага жэмчугу. У сярэднявеччы яго насельніцтва дасягала 40 тыс. чал. Але ў XIV ст. адбыўся заняпад мясцовай эканомікі.
Кіш стаў вядомы ў 1960-ыя гг., калі апошні іранскі шах пабудаваў на ім прыватны курорт з казіно. Пасля Ісламскай рэвалюцыі ён апынуўся закінутым і зноў адроджаны толькі ў 1990-ыя гг. Эканамічнаму развіццю спрыяе тое, што Кіш уяўляе сабою свабодную эканамічную зону. У 2009 г. аб'ём знешняга гандлю дасягнуў 9,2 млрд долараў ЗША.
ТурызмПравіць
Турызм - найважнейшая галіна эканомікі Кіша. Востраў прыцягвае наведвальнікаў пясчанымі пляжамі, багатай прыродай навакольнага каралавага рыфа, яхтынгам. Для абслугоўвання турыстаў пабудаваны сучасныя гасцініцы і дэльфінарый. На Кішы дзейнічаюць аэрапорт і паромная сувязь.
Бераг з паветра
Марское ўзбярэжжа
Гасцініца "Дарый"
Дайвінг
