Вуліца Гагарына (Гомель)
Вуліца Гагарына (былая Ветраная, Кагановіча) — вуліца ў цэнтральнай частцы горада Гомеля. Названая ў 1961 годзе ў гонар Ю. А. Гагарына. Працягласць 1460 м, ад вуліцы Камісарава да Мохава пераезда.
| Гагарына вуліца Гомель | |
|---|---|
 | |
| Агульная інфармацыя | |
| Краіна | Беларусь |
| Рэгіён | Гомельская вобласць |
| Горад | Гомель |
| Раён | Цэнтральны |
| Гістарычны раён | Амерыка |
| Працягласць | 1450 |
| Ранейшыя назвы | Ветраная, Кагановіча |
| Назва ў гонар | Юрый Аляксеевіч Гагарын |
| Паштовы індэкс | 246017 і 246050 |
 Медыяфайлы на Вікісховішчы | |
Гісторыя правіць
У дарэвалюцыйныя гады забудова была пераважна драўляная, з 1-павярховых дамоў сядзібнага тыпу. Да вуліцы прымыкалі парк Гомельскага палаца і Конны пляц (зараз Цэнтральны рынак). На стыку з вуліцамі Рэчыцкай і Траецкай (цяпер Сялянская) вуліца Ветраная раздвойвалася ў кірунку чыгуначнага пераезду і Генеральскай вуліцы (цяпер Чырвонаармейская). У цяперашні час участак вуліцы ад скрыжавання з вуліцай Карповіча (былой Новікаўскай) адносіцца да вуліцы Чырвонаармейскай. Падчас Айчыннай вайны вуліца была моцна разбурана. Сучаснае аблічча пачало фарміравацца ў пасляваенныя гады. Забудаваная пераважна 2-, 3- і 4-павярховымі жылымі дамамі.