Вуліца Шубіна
Віцебск
Вуліца Шубіна — вуліца ў цэнтральнай частцы Віцебска ў Кастрычніцкім раёне. Названая ў гонар дырэктара віцебскага іпадрома, героя Грамадзянскай вайны І. Ф. Шубіна (рэабілітаваны ў 1957 годзе). Працягласць вуліцы ад вуліцы Леніна да вуліцы Б. Хмяльніцкага — 150 м. На вуліцы аднабаковы аўтамабільны рух.
| Вуліца Шубіна Віцебск | |
|---|---|
| Агульная інфармацыя | |
| Краіна | Беларусь |
| Рэгіён | Віцебская вобласць |
| Горад | Віцебск |
Вуліца сфарміравалася ў канцы XVIII — пачатку XIX стагоддзяў. Першапачатковая назва — Трынітарская — атрымана з-за кляштара трынітарыяў. У сярэдзіне XIX стагоддзя, пасля завяршылася працяглай перабудовы, касцёла ў Пакроўскую праваслаўную царкву вуліца называлася Пакроўскай. Некаторы час у савецкія гады называлася Бязбожнай.
Дом 6 быў пабудаваны ў пачатку 1900-х гадоў Кацярынай Данілаўнай Дукальскай для сваёй сям’і.
Будынкі правіць
- № 2 — Свята-Пакроўскі кафедральны сабор;
- № 5 — КУП «Капітальнае будаўніцтва горада Віцебска». Землеўпарадкавальная і геадэзічная служба Віцебска і УКБ гарвыканкама;
- № 4 — Віцебскі абласны суд (архітэктар Г. Сінельнікава)[1].
Зноскі
- ↑ Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
Літаратура правіць
- Витебск: План города. Витебский район: Карта. / Редактор: В. А. Змачинская. — Мн.: РУП «Белкартография», 2009. — 4611 экз.
- Витебск: План города. / Редактор В. А. Змачинская, дизайн обложки С. А. Берестень. — Обновл. и дополн. в 2009 г. — Мн.: РУП «Белкартография», 2010. — 36 с. — 10 000 экз. — ISBN 978-985-508-070-2
Спасылкі правіць
На Вікісховішчы пакуль няма медыяфайлаў па тэме, але Вы можаце загрузіць іх
