Вікіпедыя:Абмеркаванне правіл/Назвы спартыўных клубаў у спісах

Тут знаходзяцца абмеркаванні, якія завяршыліся. Просьба не ўносіць змен.

Прапаную ўнесці змены ў правілы напісання назваў спартыўных клубаў для спісаў.

1.1 Скарочаную назву віду спартыўнага клуба ў спісах не дадаваць.

У спісе хакейных клубаў указваць назву Юнацтва без ХК. З назвы спісу відавочна аб якім відзе спорту ідзе гаворка.

1.2 Да назвы спартыўнага клуба дадаваць назву горада толькі ў двух выпадках:

Калі ў адной краіне выступаюць два ці больш клубаў з аднолькавымі назвамі, але з розных гарадоў.

Напрыклад: у чэмпіянаце Беларусі па футболе выступаюць Дынама Мінск і Дынама Брэст.

Калі назвы двух ці больш клубаў з вышэйшых дывізіёнаў розных краін супадаюць.

Напрыклад: у чэмпіянатах Беларусі і Украіны па футболе выступаюць Шахцёр Салігорск і Шахцёр Данецк. --Football Beetle (размовы) 09:40, 4 ліпеня 2020 (+03)[адказаць]

Аб якіх спісах адзе размова? Зараз у Спіс футбольных клубаў Беларусі назвы менавіта згодна з такімі прынцыпамі і прадстаўлены.--Artsiom91 (размовы) 10:03, 4 ліпеня 2020 (+03)[адказаць]

Я прагледзеў шмат аналагічных спісаў у іншамоўных раздзелах Вікіпедыі, таму вырашыў унесці прапановы па змяненні правілаў у нас. Правілы для назваў артыкулаў пра клубы ёсць, а правілаў аб парадку вядзення спісаў пра клубы няма. --Football Beetle (размовы) 10:15, 4 ліпеня 2020 (+03)[адказаць]

Хачу дадаць яшчэ адну прапанову для назваў артыкулаў пра футбольныя клубы.

2.1 Калі пасля адмовы футбольнага клуба ва ўдзеле ў чэмпіянаце Беларусі па футболе гэтая каманда пераходзіць у чэмпіянат сваёй вобласці, статус футбольнага клуба змяняецца на калектыў фізічнай культуры ў назве артыкула.

У Другой лізе чэмпіяната Беларусі па футболе выступаў ФК Спартак Шклоў. Зараз у чэмпіянаце Магілёўскай вобласці выступае КФК Спартак Шклоў. --Football Beetle (размовы) 12:48, 5 ліпеня 2020 (+03)[адказаць]

Мне ўвогуле не падабаецца гэты ненатуральны дадатак “ФК” перад назвай клуба. Хто вырашыў, што ён павінен быць? Тут не Англія і не Прэм’ер Ліга... Так ніхто не гаворыць: ні каментатары Беларусь 5, ні на сайце БФФ. Іншыя вікі таксама не выкарыстоўваюць:[1], [2], [3], [4], [5], [6] і інш. Агульнае правіла ў нас па схеме: Назва артыкула (удакладненне). Віт; размовы 09:43, 12 ліпеня 2020 (+03)[адказаць]

Спадар Vit Koz! Скарочаныя назвы ФК і ХК патрэбныя для таго, каб не блытаць футбольныя і хакейныя клубы ў Беларусі. А вось у адпаведных спісах па відах спорту яны сапраўды не патрэбныя, бясконцае ФК ФК ФК. --Football Beetle (размовы) 13:54, 13 ліпеня 2020 (+03)[адказаць]

Вынік правіць

Прынцып, згодна з якім у тэкстах артыкулаў скарачэнні ФК/ХК не ўжываюцца, не знайшоў пярэчанняў і дададзены ў правілы: Вікіпедыя:Найменне артыкулаў#Назвы спартыўных клубаў. Даданне ж скарачэння КФК або ўвогуле прыбіранне не мае дастатковай падтрымкі і прапрацаванасці, не з’яўляецца акутальным пытаннем, таму не прымаецца.--Artsiom91 (размовы) 18:43, 14 сакавіка 2021 (+03)[адказаць]