Вікіпедыя:Крытэрыі значнасці спартсменаў/Праект

Артыкул пра спартсмена можа быць размешчаны ў Вікіпедыі, калі ён адпавядае крытэрыям значнасці. Крытэрыі падзяляюцца на асноўныя (выкананне хоць аднаго з іх для любога спартсмена надае яму значнасць) і спецыялізаваныя (паводле відаў спорту).

Правілы датычацца толькі тых відаў спорту, якія шырока прызнаны міжнароднымі федэрацыямі, праводзяцца па адзіным правілам і асвечваюцца ў незалежных СМІ. Спартсмены і спартсменкі маюць агульныя крытэрыі, калі не пазначана адваротнае.

Са зместу артыкулаў павінна вынікаць выкананне канкрэтных крытэрыяў значнасці (пазначана, у якіх Алімпійскіх гульнях удзельнічаў і яякое месца заняў, калі выйграў чэмпіянат Беларусі і т.п.). У спрэчных сітуацыях павінны быць прадстаўлены спасылкі на крыніцы.

Асноўныя крытэрыі значнасці

Любы спартсмен значны, калі адпавядае аднаму з крытэрыяў:

1. Удзельнікі Алімпійскіх гульняў, фінальнай стадыі (не кваліфікацыі) чэмпіянатаў свету і кантынентаў , якія выканалі адпаведныя кваліфікацыйныя нарматывы (калі такія існавалі);
2. Спартсмены, якія выканалі кваліфікацыйныя нарматывы для ўдзелу ў Алімпійскіх гульнях або чэмпіянатах свету;
3. Удзельнікі Кубкаў свету, якія атрымалі выніковыя балы ў асабістым заліку;
4. Пераможцы і прызёры Паралімпійскіх гульняў;
5. Пераможцы і прызёры дарослых чэмпіянатаў краіны;
6. Чэмпіёны свету і кантынентаў сярод моладзі і юнакоў, пераможцы Універсіяды;
7. Рэкардсмены свету, кантынента або краіны;
8. Заслужаныя майстры спорту, майстры спорту міжнароднага класа, майстры спорту СССР і краін постсавецкай прасторы.

Крытэрыі для спартыўных функцыянераў і трэнераў:

1. Кіраўнікі нацыянальнай алімпійскіх камітэтаў;
2. Кіраўнікі нацыянальных федэрацый па відах спорту;
3. Асабістыя трэнеры спартсменаў, якія маюць значнасць паводле вышэйадзначаных крэтырыяў;
4. Заслужаныя трэнеры СССР і краін постсавецкай прасторы.

Агульныя крытэрыі камандных відаў спорту

Пад каманднымі відамі спорту маецца на ўвазе віды, у якіх можа выступаць выключна каманда. Сюды не адносіцца ўдзел у эстафетах, парных разрадах і інш. для відаў спорту, у якіх спартсмен можа выступаць аднаасобна. Для спартсменаў такіх відаў ніжэйпералічаныя крытэрыі дадаюцца да асноўных.

1. Члены дарослых нацыянальных зборных;
2. Удзельнікі клубных прафесійных каманд вышэйшых ліг нацыянальных чэмпіянатаў (у тым ліку адкрытых і аб'яднаных);
3. Чэмпіёны свету і кантынентаў у складзе моладзевых і юнацкіх зборных, пераможцы Універсіяды ў складзе зборных.

Крытэрыі для спартыўных функцыянераў і трэнераў:

1. Кіраўнікі клубных прафесійных каманд вышэйшых ліг нацыянальных чэмпіянатаў (у тым ліку адкрытых і аб'яднаных);
2. Галоўныя трэнеры прафесійных каманд вышэйшых ліг нацыянальных чэмпіянатаў (у тым ліку адкрытых і аб'яднаных);
3. Галоўныя трэнеры дарослых нацыянальных зборных;
4. Галоўныя трэнеры моладзевых і юнацкіх зборных, якія сталі пераможцамі чэмпіянатаў свету або кантэнента, Універсіяды.

Дадатковыя крытэрыі па відах спорту

Амерыканскі футбол

Футбалісты і трэнеры адпавядаюць крытэрыям значнасці калі:

1. Прымалі ўдзел ў афіцыйных матчах (у т.л. у адной гульне) наступных прафесійных ліг: Футбольнай лігі Арэна, Канадскай футбольнай лігі, Нацыянальнай футбольнй лігі, Амерыканскай футбольнай лігі, Усеамерыканскай футбольнай канферэнцыі, ФУтбольнай лігі ЗША, або іншай прафесійнай лігі.

 Каментарый. Футбаліст і трэнер, не адпавядаюць крытэрыям, калі гуляюць у аматарскіх і паўпрафесійных лігах, напрыклад: Ліга амерыканскага футбола.

Бадмінтон

Спартсмены бадмінтона, адпавядаюць крытэрыям значнасці, толькі калі:

1. Удзельнічалі ў Алімпійскіх гульнях і Чэмпіянатах свету
2. Удзельнічалі (у камандзе, парных ці адзіночных разрадах) ў раўндзе не ніжэй чвэрцьфіналу афіцыйных міжнародных ці кантынентальных турніраў (кантынентальныя чэмпіянаты, Суперсерыя BWF, Гульні Садружнасці)
3. Медаліст на міжнародных, кантынентальных ці дзяржаўных камандных чэмпіянатах (Адкрыты чэмпіянат Канады, Адкрыты чэмпіянат Германіі, Slovak International)
4. Медаліст на турнірах Залаты гран-пры і гран-пры BWF

Баскетбол

Баскетбаліст, будзе адпавядаць крытэрыю значнасці, толькі калі ён:

1. З'явіўся, як трэнер ці гулец, ў любой гульне — Еўралігі, Ліге АВА, Кубка Еўропы па баскетболе, Кубка вызаву ФІБА Еўропы (Азіі, Амерыкі, Афрыкі), НБА, НБЛ, Адзінай лігі ВТБ, Жаночай нацыянальнай баскетбольнай асацыяцыі, АБА.

Біятлон

1. Удзельнікі этапаў Кубка свету.
2. Удзельнікі Кубка IBU
3. Удзельнікі Чэмпіянату Еўропы па біятлоне
4. Удзельнікі Чэмпіянату свету па біятлоне
5. Чэмпіянат свету па біятлону сярод юніёраў (юнакоў і дзяўчат), бо практычна праз некалькі гадоў, большасць удзельнікаў гэтага спаборніцтва ўдзельнічаюць у трох першых турнірах.

Бокс

Баксёр адпавядае крытэрыям значнасці, калі ён/яна:

1. Змагаўся за тытул чэмпіёна свету па версіі наступных арганізацый:

• Мужчыны: Міжнародная баксёрская федэрацыя, Сусветная баксёрская асацыяцыя, Сусветны баксёрскі савет, Сусветная баксёрская арганізацыя;
• Жанчыны: Міжнародная асацыяцыя жанчын-баксёраў, Міжнародная жаночая асацыяцыя бокса, Жаночая Міжнародная асацыяцыя аматарскага бокса, Жаночая Міжнародная федэрацыя бокса.

Гольф

Гальфіст адпавядае крытэрыям значнасці, калі:

1. Яны прымалі ўдзел у Кубку Райдэра, Кубку Прэзідэнтаў, Кубку Солхейма
2. З'яўляецца членам Сусветнага залы славы гольфу
3. Яны выйгралі па меншай меры адзін, прафесійны турнір па гольфу: PGA Тур (Мастэрс, Чэмпіянат PGA, Чэмпіянат ігракоў, Чэмпіёны WGC-HSBC, Адкрыты чэмпіянат па гольфу, Адкрыты чэмпіянат ЗША па гольфу, Еўрапейскі тур PGA, Чэмпіёны PGA Тур і інш.), Жаночая Асацыяцыя прафесійнага гольфу
4. Яны выйгралі па меншай меры, адзін аматарскі (міжнародны ці нацыянальны) гольф турнір (напрыклад: Аматарскі чэмпіянат ЗША, Аматэр)
5. Яны на працягу году прымалі ўдзел у спаборніцтвах PGA, LPGA, Еўрапейскі тур PGA, Чэмпіёны PGA Тур

Кёрлінг

Кёрлінгіст адпавядае крытэрыям значнасці, калі ён/яна:

1. Выйграў Сусветны тур па кёрлінгу, або прымаў удзел у Вялікім шлеме па кёрлінгу
2. Прымаў удзел у Чэмпіянаце свету па кёрлінгу, або Чэмпіянаце свету па кёрлінг сярод змешаных пар
3. Пераможцы і прызёры турніраў санкцыянаваных Сусветнай федэрацыяй кёрлінга: Чэмпіянаце свету па кёрлінгу сярод моладзі, Чэмпіянаце свету па кёрлінгу сярод ветэранаў, Чэмпіянаце Еўропы па кёрлінгу, Чэмпіянаце свету па кёрлінгу сярод змешаных пар і Ціхаакіянска-азіяцкім чэмпіянаце па кёрлінгу
4. Прымаў удзел у Браеры, або Турніры сэрцаў
5. Пераможцы і прызёры Чэмпіяната Канады па кёрлінгу сярод юніёраў
6. Пераможцы Чэмпіяната Канады па кёрлінгу сярод змешаных пар, Чэмпіяната Канады па кёрлінгу сярод ветэранаў і Чэмпіяната Канады па кёрлінгу сярод змешаных каманд

Лёгкая атлетыка

Атлеты, якія ўдзельнічаюць у спаборніцтвах, лічацца значнымі, калі яны адказваюць любому з ніжэйпералічаных крытэрыяў:

1. Прымаў удзел у спаборніцтвах Алімпійскіх гульняў, Чэмпіянату свету па лёгкай атлетыцы, Чэмпіянату свету па лёгкай атлетыцы ў памяшканні, Чэмпіянату свету па лёгкаатлетычным кросе, Чэмпіянату свету па паўмарафоне.
2. Прызёры буйных міжнародных спаборніцтваў вышэйшага ўзроўня: кантынентальных чэмпіянатаў (Еўропа, Азія, Афрыка, Паўночная і Цэнтральная Амерыка, Акіянія, Паўднёвая Амерыка), Гульняў Садружнасці, Брыльянтавай і Залатой лігі IAAF.
3. Уладальнік залатога медаля на Чэмпіянаце свету па лёгкай атлетыцы сярод юніёраў і Чэмпіянаце свету па лёгкай атлетыцы сярод юнакоў.
4. Пераможца нацыянальнага чэмпіянату сваёй дзяржавы, якая ўваходзіць у топ-60 ІААФ паводле рэйтынгу ў канцы кожнага каляндарнага года.
5. Атлет, які ў афіцыйных спаборніцтвах (у т.л. юнацкіх і моладзевых) дасягнуў сусветнага ці кантынентальнага рэкорда, які адзначаны адпаведным афіцыйным органам.

Снукер

1. Удзельнікі асноўных сетак (не кваліфікацый) рэйтынгавых турніраў.

Трыятлон

Трыятланісты, якія адпавядаюць крытэрыям значнасці, павінны:

1. Калі прымалі ўдзел у Алімпійскіх гульнях ці займалі медальны месцы на Гульнях Садружнасці
2. Калі ўвайшлі ў топ-10 Сусветнай серыі па трыятлону ІТУ (ці ў выніковы залік Кубка свету па трыятлону ІТУ).

Тэніс

1. Удзельнікі асноўных сетак (адзіночнага або парнага разраду, не кваліфікацый) адкрытых чэмпіянатаў ЗША, Аўстраліі, Францыі, Вялікабрытаніі, або асноўный стадыі іншага турніра ATP.

Футбол

Футбалісты і трэнеры адпавядаюць крытэрыям значнасці калі:

1. Прымалі ўдзел ў афіцыйных матчах (у т.л. у адной гульне) каманды прафесійнай лігі зацверджанай ФІФА, а таксама кантынентальнымі канфедэрацыямі (АФК, КАФ, КАНКАКАФ, КАНМЕБОЛ, АФК, УЕФА).

 Каментарый. Футбаліст і трэнер, не адпавядаюць крытэрыям, калі яны апынуліся толькі ў складзе каманды, ці выйшлі на замену, і не задавальняюць агульным крытэрыям значнасці.

Шахматы

1. Гросмайстры.