Вільгельм Моргнер

Вільгельм Моргнер (ням.: Wilhelm Morgner; 27 студзеня 1891, Зост, Арнсберг — 16 жніўня 1917, Лангемарк, Заходняя Фландрыя) — нямецкі мастак, адзін з найбуйнейшых прадстаўнікоў так званага «рэйнскага экспрэсіянізму».

Вільгельм Моргнер
ням.: Wilhelm Morgner
Дата нараджэння	27 студзеня 1891(1891-01-27)[…]
Месца нараджэння	Зост, раён Зост, адміністрацыйная акруга Арнсберг, правінцыя Вестфалія, каралеўства Прусія, Германская імперыя
Дата смерці	16 жніўня 1917(1917-08-16) (26 гадоў)
Месца смерці	Лангемарк[d], Лангемарк-Пулкапеле[d], акруга Іпр[d], Заходняя Фландрыя, Бельгія
Грамадзянства	Германская імперыя
Род дзейнасці	мастак, графічны дызайнер, графік
Мастацкі кірунак	экспрэсіянізм
Медыяфайлы на Вікісховішчы

Біяграфія

У 1908—1909 гады наведваў мастацкую школу Георга Таперта ў Ворпсведэ, уласцівы Таперту лірызм аказвае ўплыў на першыя працы Вільгельма Моргнера. У 1909 годзе мастак вярнуўся ў Зост. У 1911 годзе пераехаў у Берлін, працаваў у мастацкай групе «Мост» (ням.: die Brücke), разам з якой удзельнічаў у берлінскай выстаўцы «Новага Сецэсіёна». У 1912 годзе ўдзельнічаў у выстаўцы мастакоў «Зондэрбунд» у Кёльне, дзе пазнаёміўся з творчасцю гурта «Сіні вершнік», які аказаў вялікае ўздзеянне на далейшыя работы майстра.

З 1913 года карціны Вільгельма Моргнера ўсё больш набліжаюцца да абстракцыянізму. Яго «Астральныя кампазіцыі» (1913) вельмі лаканічныя. Далейшае творчае развіццё мастака было перапынена Першай сусветнай вайной. Вільгельм Моргнер у 1914 годзе прызываецца на вайсковую службу салдатам. У верасні 1914 года атрымаў раненне на фронце. Узнагароджаны Жалезным крыжом 2-га класа. У 1915 годзе ваяваў супраць рускіх войск на Усходнім фронце. У маі 1917 года пераведзены ў Фландрыю, дзе 16 жніўня 1917 года ва ўзросце 26 гадоў мастак быў забіты ў баі з брытанскімі салдатамі. Ад часу яго вайсковай службы захаваліся толькі невялікія малюнкі і эскізы.