Ганадэрма бліскучая

Ганадэрма бліскучая або лакіраваная губа (Ganoderma lucidum) — губавы базідыяльны грыб з парадку паліпоравых.

Ганадэрма бліскучая
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Парадак:  Паліпоравыя Сямейства:  Ганадэрмавыя Род:  Ганадэрма Від:  Ганадэрма бліскучая
Міжнародная навуковая назва
Ganoderma lucidum (Curtis) P.Karst., 1881
Сістэматыка на Віківідах Выявы на Вікісховішчы NCBI   5315 EOL   1030204 MB   148413

Апісанне

Пладовыя целы аднагадовыя, радзей 2-3-гадовыя, паўкруглыя, памерам 3-8 X 10-25 X 2-3 см, з бакавой цыліндрычнай ножкай даўжынёй 5-10 см. Паверхня шапкі і ножкі пакрыта каштанава-бурай бліскучай скарынкай. Тканка пладовага цела губчата-коркавая. Паверхня гіменафора тытунёвага колеру, поры дробныя, круглявыя. Гіфы са спражкамі. Споры яйцападобныя, жаўтлявыя, памерам 7-13 X 6-8 мкм.

Пашырэнне

Пашырэнне: Еўропа, Азія, Паўночная Афрыка і Паўночная Амерыка; магчыма, касмапаліт. На Беларусі знойдзены адзінкавыя экзэмпляры.

Сустракаецца ў мяшаных лясах на адмерлай драўніне клёну, вольхі, бярозы, таполі, дуба, елкі.

Асаблівасці біялогіі

Выклікае белую гніль, якая паволі развіваецца і праяўляецца ў абясколерванні драўніны. Пладовыя целы ўтвараюцца ў ліпені — кастрычніку.

Выкарыстанне

Дэкаратыўны і лекавы від.

Ахова

Уключаны ў Чырвоную кнігу Беларусі, ахоўваецца ў Польшчы і Літве.

Спасылкі

Гэты від занесены ў Чырвоную кнігу Беларусі і ахоўваецца законам. III катэгорыя (VU)