Гарызонт-206

беларускі тэлевізійны прыёмнік

«Гарызонт-206»беларускі савецкі тэлевізійны прыёмнік чорна-белай выявы[en], які з 1973 года выпускала Мінскае вытворчае аб’яднанне «Гарызонт».[1][2][3]

Тэлевізар «Гарызонт-206».

АпісаннеПравіць

Тэлевізар забяспечвае прыём на любым з 12-ці каналаў МВ дыяпазону, а пры ўсталёўцы блока СКД-1 і ў ДМВ дыяпазоне. Мадэль сканструяваная з асіметрычным размяшчэннем экрана. Правая верхняя частка пярэдняй і бакавой панэлі выканана ў выглядзе рашотак, за якімі размешчаны два гучнагаварыцеля 3ГД-38Е і 2ГД-36. На пярэдняй панэлі размешчаны ручкі гучнасці, яркасці, кантраснасці, налады ДМВ, перамыкач MB-ДМВ, выключальнік сеткі, ручка ПТК і індыкатар сеткі. Канструкцыя прадугледжвае зручны доступ да дэталяў і лямпаў. Шасі вертыкальнае, круціцца, палягчаючы рамонт. Ззаду апарат зачынены пластмасавай сценкай з вентыляцыйнымі адтулінамі. Усе платы апарата выкананы друкаваным спосабам і размешчаны на шасі. Маюцца гнёзды для запісу гуку на магнітафон і праслухоўвання яго галаўнымі тэлефонамі пры адключанай АС. У мадэлі маецца магчымасць дыстанцыйнага кіравання гучнасцю і яркасцю правадным пультам; АПЧГ, АПЧіФ, стабілізацыя памеру малюнка. Параметры тэлевізара аналагічныя уніфікаваным мадэлям УЛПТ-61. Габарыты тэлевізара 700х510х410 мм. Вага 36 кг. Рознічны кошт 296 рублёў.[4]

Зноскі

  1. Горизонт-206 (руск.) . Отечественная Радиотехника ХХ века. Праверана 27 чэрвеня 2020.
  2. Горизонт-206 (руск.) . Справочник содержания драгметаллов. Праверана 27 чэрвеня 2020.
  3. Горизонт 206 (руск.) . Справочник содержания драгметаллов. Праверана 27 чэрвеня 2020.
  4. Горизонт 206 (руск.) . Ретротехника. Праверана 27 чэрвеня 2020.

СпасылкіПравіць