Гасцёўня Уладзіслава Галубка

Гасцёўня Уладзіслава Галубка — музей, прысвечаны жыццю і творчасці кіраўніка БДТ-3, рэжысёра, акцёра, народнага артыста БССР Уладзіслава Галубка. З'яўляецца філіялам Дзяржаўнага музея гісторыі тэатральнай і музычнай культуры Рэспублікі Беларусь. Размяшчаецца ў Траецкім прадмесці ў будынку №14 па вул. Старавіленскай.

Гасцёўня Уладзіслава Галубка
Старавіленская №14
Падпарадкаванасць	Дзяржаўнага музея гісторыі тэатральнай і музычнай культуры Рэспублікі Беларусь
Месцазнаходжанне	вул. Старавіленская №14, Траецкае прадмесце, Мінск
Адкрыты	з аўторка па суботу з 10.00 да 17.30.
Білет	2000 руб. – дзеці, школьнікі, студэнты. 3000 руб. – дарослыя, замежныя грамадзяне. Экскурсія з паказам батлеечнага спектакля (кошт з групы): 15000 руб. – дзеці, школьнікі, студэнты. 17000 руб. – дарослыя, замежныя грамадзяне. Экскурсія без паказа батлеечнага спектакля (кошт з групы): 10000 руб. – дзеці, школьнікі, студэнты. 12000 руб. – дарослыя, замежныя грамадзяне. Паказ батлеечнага спектакля: 5000 руб. Першая субота месяца – бясплатна.
by.theatre-museum.by/fil…

Першапачаткова ў будынку №14 па вул. Старавіленскай змяшчаўся Музей гісторыі тэатральнай і музычнай культуры. З 2001 года тут размешчана фондасховішча музея і працуе навукова-фондавы аддзел. А для наведвальнікаў працуе пастаянная экспазіцыя «Жыццёвы і творчы шлях першага Народнага артыста Беларусі Уладзіслава Галубка», дзе прадстаўлены дакументы і гістарычныя пасведчанні аб жыцці і творчай дзейнасці Уладзіслава Галубка з фондавай калекцыі музея. Маецца выставачная зала, у якой праходзяць разнастайныя тэматычныя выставы, ладзяцца цікавыя мерапрыемствы, музычныя вечарыны, батлеечныя інтэрмедыі.

Першым дырэктарам музея быў беларускі мастак Анатоль Наліваеў.

Спасылкі

• Гасцёўня Уладзіслава Галубка Архівавана 7 студзеня 2016. на сайце Дзяржаўнага музея гісторыі тэатральнай і музычнай культуры Рэспублікі Беларусь
• Філіял "Гасцёўня Ўладзіслава Галубка" Архівавана 4 сакавіка 2016. Museum.by