Адкрыць галоўнае меню

Гвю́дні То́дласіюс Ё́ўханесан (ісл.: Guðni Thorlacius Jóhannesson; 26 чэрвеня 1968, Рэйк’явік, Ісландыя) — ісландскі гісторык, дзяржаўны дзеяч. Прэзідэнт Ісландыі з 2016 года.

Гвюдні Ёўханесан
ісл.: Guðni Thorlacius Jóhannesson
Гвюдні Ёўханесан
Прэзідэнт Ісландыі
з 1 жніўня 2016
Прэм’ер-міністр: Сігюрдзюр Інгі Ёўхансан
Папярэднік: Оўлавюр Рагнар Грымсан
 
Партыя:
Адукацыя:
Дзейнасць: гісторык, выкладчык універсітэта, перакладчык, палітык
Месца працы:
Нараджэнне: 26 чэрвеня 1968(1968-06-26) (51 год)
Бацька: Ёўханес Саймюндсан[d]
Маці: Маргрэт Тодласіюс[d]
Жонка: Элін Харальдсдуотыр (1995 — ?),
Эліза Рыд (з 2004)
Дзеці: 5
 
Сайт: gudnith.is
 
Узнагароды:
Grand Cross of the White Rose of Finland with Collar Ордэн Слана кавалер Вялікага крыжа ордэна Святога Олафа ордэн Серафімаў

БіяграфіяПравіць

Гвюдні скончыў Рэйк’явікскую гімназію (1987), універсітэт Уорвіка (Англія) са ступенню бакалаўра гісторыі і паліталогіі (1991) і ўніверсітэт Ісландыі са ступенню магістра мастацтваў па гісторыі (1997). У 1999 атрымаў званне магістра студыяў універсітэта Оксфарда, у 2003 — доктара філасофіі па гісторыі Лонданскага ўніверсітэта каралевы Марыі[2].

Чытаў лекцыі ва ўніверсітэце Ісландыі, Біфрасцкім універсітэце і ўніверсітэце Лондана. Цяпер працуе старэйшым выкладчыкам гісторыі ва ўніверсітэце Ісландыі. Выдаў некалькі прац па гісторыі Ісландыі, у тым ліку пра трасковыя войны, фінансавы крызіс 2008—2011 гадоў і інстытут прэзідэнцтва. Апісаў біяграфію Гюнара Торадсена(англ.) бел. і кнігу пра прэзідэнцкі тэрмін Крыст'яўна Эльд'яўдна.

25 чэрвеня 2016 года абраны новым прэзідэнтам Ісландыі з 39,1 % галасоў[3], стаўшы ва ўзросце 48 гадоў наймаладзейшым прэзідэнтам. Пасаду заняў 1 жніўня[4].

Сям'яПравіць

Маці — настаўніца і журналістка Маргрэт Тодласіюс, бацька — настаўнік фізкультуры і трэнер Ёўханес Саймюндсан[5] (памёр у 42-гадовым узросце ад раку). Гвюдні мае двух братоў — Патрэкюра, колішняга іграка гандбольнай зборнай Ісландыі[5], цяпер трэнера аўстрыйскай зборнай, і Ёўханеса, сістэмнага аналітыка. У дзяцінстве гандболам займаўся і Гвюдні[5][6].

У 2004 годзе Гвюдні Ёўханесан ажаніўся з канадкай Элайзай Рыд, з якой пазнаёміўся ў Вялікабрытаніі падчас навучання. З ёй маюць чатырох дзяцей, яшчэ адну дачку Гвюдні мае ад папярэдняга шлюбу.

Зноскі

ЛітаратураПравіць

  • Kári í jötunmóð. Saga Íslenskrar erfðagreiningar og Kára Stefánssonar (Reykjavík: Nýja bókafélagið, 1999).
  • Völundarhús valdsins. Stjórnarmyndanir, stjórnarslit og staða forseta Íslands í embættistíð Kristjáns Eldjárns, 1968—1980 (Reykjavík: Mál og menning, 2005).
  • Óvinir ríkisins. Ógnir og innra öryggi í kalda stríðinu á Íslandi (Reykjavík: Mál og menning, 2006).
  • Þorskastríðin þrjú. Saga landhelgismálsins 1948—1976 (Reykjavík: Hafréttarstofnun Íslands, 2006).
  • Hrunið. Ísland á barmi gjaldþrots og upplausnar (Reykjavík: JPV, 2009)
  • Gunnar Thoroddsen. Ævisaga. (Reykjavík: JPV, 2010)

СпасылкіПравіць